طالبانلرنینگ مهاجرلر معمالرینی کۉریب چیقیش کمیسیونی تیناوون (پنجشنبه، ۴جدی) پاکستان و ایراندن جمعی اوچ مینگ۴۰۱ کیشی مجبورن چیقریلیب، افغانستانگه قَیتریلگنینی معلوم قیلدی.
کمیسیون بیاناتیگه کۉره، ایکّی مینگ۸۴۱ کیشی پاکستاندن دېپورت قیلینگچ، تورخم چېگره سی آرقهلی، ینه ۳۷۴ کیشی اېسه سپین بولدک چېگرهسی آرقهلی افغانستانگه کیرگن.
اوشبو کمیسیون آماری معلوماتلرگه اساسلنیب ایتیشیچه، شونینگدېک، ایراندن دېپورت قیلینگن۱۱۶ کیشی پول ابریشم آرقهلی، ینه ۷۰ کیشی اېسه اسلام قلعه چېگرهسی آرقهلی افغانستانگه قَیتگن.
ایران و پاکستان جاري ییلده مهاجرلرنینگ یشش حجتلرینی بېکار قیلیب، اولرنی عامهوي روشده افغانستانگه دېپورت قیلیشنی باشلهدی.
بیرلشگن ملتلر تشکیلاتی معلوماتلریگه کۉره، اوشبو ایکّی دولت ایکّی میلیوندن آرتیق مهاجرنی افغانستانگه قَیترگن.
بیرلشگن ملتلر تشکیلاتیگه قرهشلی مؤسسهلر کېنگ کۉلملی دېپورت و مهاجرلرنینگ افغانستانگه قَیتیشی بو مملکتدهگی انسانپرورلیک بحراننی ینهده کوچهیتیرهیاتگنینی ایتیب، اولرگه یاردم کۉرسهتیش اوچون خلق ارا همجمعيت یاردمنی آشیریشی ضرورلیگینی تأکیدلهماقده.
