تاجیکستان حکومتی افغانستان بیلن چېگره حدودیده تۉرت ینگی چېگره پوسته و تانک عملیاتی میدانینی تشکیل اېتدی.
آسیا پلاس خبریگه کۉره، اوشبو انشاتلرنی تاجیکستان جمهور رییسی امام علی رحمان مصافهدن باشقریب آچگن. تأکیدلنیشیچه، بو تاسیساتلر ایلگری یېترلی حمایه چارهلری بۉلمهگن تاغلی و چېکّه حدودلرده جایلشگن.
تانک میدانی «حرب میدونی» ناملی حربي تیارگرلیک مرکزی نینگ بیر قِسمی بۉلیب، او مخصوص خادملرنی تیارلش اوچون مۉلجللنگن و زمانهوي میدانچهلر و اۉقوو انشااتلریگه اېگه. «حرب-میدونی» مرکزی چېگره یقینیده جایلشگن بۉلیب، تورلی اۉقوو قوراللری، باشقروو نقطهسی، کوزهتوو منارهلری، حربي ترانسپورت واسطهلری اوچون هیداوچیلیک صنفلرینی اۉز ایچیگه آلهدی.
جمهور رییس رحمان مدافعه وزیرلیگی و باشقه حقوقنی محافظه قیلووچی تشکیلاتلرگه اوشبو مرکزدن ثمرهلی فایدهلنیب، حربي خادملرنی تیارلشنی تأمینلشنی بویوردی.
چېگره پوستهلرینی مستحکملش افغانستان توپراغیدن تاجیکستانگه هجوملر سانینینگ آرتیشی آرتیدن عملگه آشیریلماقده. سۉنگگی بیر آی ایچیده تاجیکستان چېگرهسیگه افغانستاندن اوچته هجوم قید اېتیلگن.
تاجیکستان ملي خوفسیزلیک کمیتهسی نینگ خبر بېریشیچه، کېچه چېگره پوستلریگه باستیریب کیرگن اوچ نفر «ترور تشکیلاتی» اعضاسی اۉلدیریلگن. اوشبو تۉقنهشووده ایکّی تاجیکستان چېگره خدمتی عسکری هم هلاک بۉلگن.
ملي خوفسیزلیک کمیتهسی نینگ بیاناتیده ایتیلیشیچه، 2 جدی، اوچ نفر ترورچی افغانستان توپراغیدن اۉتیب، ختلان ولایتی شمسالدین شاهین اولسواللیگیدهگی چېگره پوستهنینگ حمایهلنگن حدودیگه کیرگن. عملیات قیدیروو تدبیرلری نتیجهسیده اولر نینگ جایی انیقلنگن.
بیاناتده ایتیلیشیچه، ترورچیلر تاجیکستان چېگره خدمتچیلرینینگ تسلیم بۉلیش بویروقلریگه بۉیسونمهی، قوراللی قرشیلیک کۉرستگن. اولر چېگره پوستهگه هجوم اویوشتیریش نیتیده بۉلگن.ملي خوفسیزلیک کمیتهسی طالباننی تاجیکستان بیلن چېگرهده خوفسیزلیکنی تأمینلش و ترورچی تشکیلاتلر اعضالریگه قرشی کورهش بۉییچه خلق ارا مجبوريتلرینی بجرمسلیکده عیبلهدی. کمیته طالبان رهبریتیدن تاجیکستان خلقیدن عذر سۉرهش و چېگره خوفسیزلیگینی تأمینلش
