آلمان عامهوي اخبارات واسطهلری ینه بیر «جنایتچی مهاجر» اوشبو مملکتدن افغانستانگه دېپورت قیلینگنینی خبر قیلدی.
دویچه وله خبریگه کۉره، مذکور مهاجر تیناوون اېرتهلب (سهشنبه، ۲ جدی) آلماننینگ بایرن شهریدن افغانستانگه چیقریب یوباریلگن.
اوشبو یېتکرمه معلوماتیگه کۉره، بو شخص باشقهلرگه «قصداً تن جراحتی یېتکزیش» جنایتی اوچون محکمه قیلینگن بۉلیب، قماق جزاسینی اۉتب بۉلگن.
آلمان اۉتگن هفته هم ینه بیر «جنایتچی مهاجر»نی افغانستانگه دېپورت قیلیب، اونی طالبان رسميلریگه تاپشیرگن اېدی.
شو بیلن بیرگه، آلمان تیناوون سوريه ایچکی اوروشی باشلنگنیدن بویان ایلک بار جنایتچی دېب تاپیلگن بیر سوريهلیک مهاجرنی سوريهگه چیقریب یوباردی.
آلمان حکومتی اوشبو مهاجر دَمشقده سوريه رسميلریگه تاپشیریلگنینی معلوم قیلدی.
بو مملکت ایچکی ایشلر وزیری الکساندر دوبرینت، سوريهگه و افغانستانگه دېپورت قیلیش امکانیتی بۉلیشی کېرهک دېگن. جمعیتیمیز جنایتچیلرنینگ مملکتیمیزنی ترک اېتیشینی طلب قیلیشگه تۉلیق حقلی. بیز نظارت، قطعیت و آچیق-آیدین چارهلر طرفداریمیز.
آلمان حکومتی طالبان رسميلری و سوريهنینگ مؤقت حکومتی بیلن آلیب باریلگن مذاکرهلر نتیجهسیده افغانستان و سوريهگه دېپورت قیلیش امکانیتی یرهتیلگنینی اعلان قیلدی.
اوّلراق آلمان «جنایتچی مهاجرلر»نی قطر واسطهچیلیگی آرقهلی افغانستانگه چیقریب یوبارگن اېدی.
