محلي منبعلر هلمند ولایتیده بیر ییگیت ولایت مرکزی لشکرگاه شهریده اۉق آتیش آرقهلی اۉز جانیگه قصد قیلگنینی بیلدیردی.
منبعلرگه کۉره، عتیقالله اسملی اوشبو شخص بوگون (سهشنبه، ۲ جدی) ساعت ۱۰:۳۰اطرافیده اۉز جانیگه قصد قیلگن.
منبعلر اۉز جانیگه قصد قیلیش سببینی «مالی معمالر» بیلن ایضاحلهماقده. اونگه کۉره، ییگیت لشکرگاه شهریده صرافلیک بیلن شغللنگن و سۉنگگی بیر نېچه آیده جدّي مالی قیینچیلیکلرگه دوچ کېلگن.
هلمنددهگی طالبان نینگ محلي مسووللری حاضرچه اوشبو واقعه یوزهسیدن ایضاح بېرمهگن.
طالبان افغانستانده ینه حاکمیتنی قۉلگه آلگنیدن سۉنگ، مملکتده یاشلر اۉرتهسیده اۉز جانیگه قصد قیلیش حالتلری سېزیلرلی درجهده آشگنی قید اېتیلماقده.
اکثریت حاللرده اۉز جانیگه قصد قیلیش سببلری صفتیده کېلهجککه نسبتاً امیدسیزلیک، ایشسیزلیک، قشّاقلیک و روحي معمالر کۉرسهتیلهدی.
