آلمان ایچکی ایشلر وزیرلیگی۱۴۱ نفر افغانستانلیک مهاجر چارتر پرواز آرقهلی پاکستاندن بو مملکتگه کۉچیریلگنینی تصدیقلهدی.
دوچهوله خبریگه کۉره، اوشبو اوچاق دوشنبه کونی (۱ جدی) اسلام آباددن آلماننینگ هانوفرشهریگه اوچگن.
ایچکی ایشلر وزیرلیگی سۉزلاوچیسینینگ معلوم قیلیشیچه، بو شخصلردن۱۲۳ نفری «فدرال قبول دستوری» آرقهلی قبول قیلیش وعدهسینی آلگن، قالگن۱۸ نفری اېسه افغانستاندهگی آلمان تشکیلاتلری نینگ سابق محلي خادملری دیر.
آلمان پاکستاندن قبول وعدهسی بېریلگن افغانستانلیک مهاجرلرنی ییل آخریگچه کۉچیریش جریانینی یکونلشینی بیلدیرگن.
شو بیلن بیرگه،۶۵۰ کیشی افغانستانلیک مهاجر تۉرت ییللیک کوتیشدن سۉنگ رد جوابینی آلگن، چونکه اولرگه مجبوري قبول وعدهسی بېریلمهگن.
آلماننینگ ینگی فدرال حکومتی افغانستانلیک مهاجرلرنی قبول قیلیش دستورینی تۉختهتگن، اما قبول وعدهسی بېریلگن شخصلرنی کۉچیریشنی دوام اېتتیرگن.
