طالبان نظارتی آستیدهگی عامهوي اخبارات واسطهلری خبریگه کۉره،۲۹ قوس، شنبه کېچهسی بغلان ولایتیدهگی سالنگ شِمالی بېشینچی گولاییده بیر اتوبوس یۉل موزلگنی سبب نظارتدن چیقیب اغدریلگن.
اتوبوس پلخمری شهریدن کابلگه یۉل آلگن اېدی.
باختر خبر آژانسینینگ معلوماتیگه کۉره، هلاک بۉلگنلر آرهسیده عیاللر و بالهلر هم بار.
جراحت آلگنلر بغلان ولایتی شفاخانهسیگه یېتکزیلگن، اولردن بېش کیشینینگ حالتی آغیر دېب ایتیلگن.
افغانستانده هر ییلی یۉل حادثهلری نتیجهسیده اۉنلب آدم حیاتدن کۉز یومهدی. یۉل نینگ یامان حالتی، هیداوچیلر نینگ احتیاطسیزلیگی و یۉل-ترانسپورت قاعدهلریگه رعایه قیلینمسلیگی اوشبو حادثهلرنینگ اساسي سببلریدن حسابلنهدی.
