طالبلر باش وزیری نینگ اقتصادي ایشلر بۉییچه اۉرین باسرلیگینینگ معلوم قیلیشیچه، بلخ ولایتیده سکّیز قبتلی بیر تجارت مرکزی قوریلیشی ۷۴۳میلیون افغاني سرمایه یاتقیزیلیشی بیلن باشلندی.
اقتصاد اۉرین باسرلیگینینگ خبریگه کۉره، مرکز قوریلیشی بوگون، (شنبه،۲۹ قوس)، طالبان باش وزیری نینگ اقتصادي اۉرین باسری عبدالغنی برادر اشتراکیده باشلندی.
اوشبو تجارت مرکزی۶۰۰ متر مربع میدانده قوریلهدی و اونده۸۷۰ دوکان،۴ رستورانت، بیر مهمانخانه، مسجد و پارکینگ نظرده توتیلگنی ایتیلهدی.
معلوم قیلینیشیچه، مرکز اوچون یېر طالبان نینگ حج و اوقاف وزیرلیگیگه تېگیشلی بۉلیب، قوریلیش ایشلرینینگ کېینگی ایکّی ییل ایچیده یکونلنیشی رېجهلشتیریلگن.
بوندن تشقری، بو مرکز قوریلگچ، هر ییلی43میلیون افغاني «امارت» بودجهسیگه اجارهگه تۉلاو صفتیده اۉتکزیلهدی.
طالبان ایلگری هم مملکت شهرلری بۉیلب بیر نېچه تجارت مرکزلری قوریلیشی باشلنگنی حقیده خبر بېرگن اېدی.
شو بیلن بیرگه، اولر یقینده کابلدهگی آریانا سینماسینی، افغانستاننینگ اېنگ قدیمگی سینمالریدن بیرینی، بوزیب، اونینگ اۉرنیگه هم تجارت مرکزی قوریشنی رېجلشتیرماقده.
