طالبان نظارتیدهگی ملی احصائیه و معلوماتلر ادارهسینینگ رسمی حساب کتابیگه کۉره، جاري ییلده افغانستانده۴۴۷ تُن برنج یېتیشتیریلگن.
اوشبو اداره، مصافهدن سنسنگ تکنالوژيسی و صنعي یۉلداش تصویرلرینی تحلیل قیلیش آرقهلی برنج اېکیلگن میدانلر انیقلنگنینی بیلدیرگن.
ملی احصائیه ادارهسی معلوماتلریگه کۉره،۱۴۰۴ ییلده مملکت نینگ۱۸ ولایتیده، جمعی۱۳۵ مینگ هکتار یېرده برنج اېکیلگن. ادارهنینگ ایتیشیچه، حاصلدارلیک اۉتگن ییلگه نسبتاً۲فایز، اېکین میدانی اېسه۴.۶ فایزگه آشگن.
طالبان احصائیه ملی ادارهسی نینگ معلوماتلری، افغانستان قورغاقچیلیک بیلن یوزلشهیاتگن بۉلسه هم، برنج اېکینلری آشگنینی کۉرستماقده.
مذکور اداره رقملریگه کۉره، قندوزده۴۱ مینگ هکتار بیلن اېنگ کۉپ، سرپلده اېسه۱۳۸ هکتار کمراق برنج اېکیلگن.
اېنگ کۉپ برنج یېتیشتیرگن ولایتلر، قندوز و تخارده هر بیری۱۱۶ مینگ تُن، بغلان۶۴ مینگ تُندن آرتیق، ننگرهار۴۰ مینگ تُندن آرتیق، بلخ۲۴ مینگ تُن، کنر۲۳ مینگ تُندن آرتیق.
برنج افغانستان آزیق-طعام زنجیریدهگی مهم محصولاتلردن بیری حسابلنهدی.
احصائیه ملی ادارهسی نینگ معلوماتلریگه کۉره، جاري ییلده مملکتنینگ برنج گه بۉلگن احتیاجی، آزیق-طعام، اوروغلیک حسابگه آلگن حالده، جمعی۷۲۰ مینگ تُننی تشکیل قیلهدی.
