بیرلشگن ملتلر تشکیلاتی نینگ ینگی تېکشیروویگه کۉره، افغانستاننینگ شرقیدهگی کنر، ننگرهر و لغمان ولایتلریده زلزلهدن ضررلنگن حدودلرنی تیکلش اوچون۱۲۸.۸میلیون دالر کېرهک بۉلهدی.
بیرلشگن ملتلر تشکیلاتینینگ بوگون( سهشنبه۲۵ قوس) اعلان قیلینگن بیاناتیده ایتیلیشیچه، اوشبو تېکشیروو بیرلشگن ملتلر تشکیلاتینینگ ترقیات دستوری، اروپا اتفاقی، جهان بانکی، آسیا ترقیات بانکی و باشقه۱۴همکار تشکیلات عملگه آشیرگن.
تېکشیرووگه کۉره، شرقي افغانستانده یوز بېرگن ۶رشتر زلزله اهالی اوچون۸۶.۸میلیون دالر ضرر یېتکزگن.
بیرلشگن ملتلر تشکیلاتینینگ ایتیشیچه، ینگی تېکشیرووده زلزلهدن ضررلنگن منطقهلرنی تیکلش و رواجلنتیریش بۉییچه استراتیژي و استقباللی رېجهلر تقدیم اېتیلگن بۉلیب، اولر محلي یېتکچیلیک و جماعه ملکدارلیگیگه، ماجرالرگه سېزگیرلیککه، جنسیتگه ماس و معلوللیگی بۉلگن شخصلرگه جواب بېریش تمایللریگه اساسلنگن.
بیاناتده ایتیلیشیچه، بو مسألهلر، اینیقسه، کۉچیب کېلگن عایلهلر و قَیتیب کېلهیاتگن عایلهلر یشهیاتگن منطقهلرده حسابگه آلینگن.
بیرلشگن ملتلر تشیکلاتینینگ فکریچه، اوشبو بهالش «اۉتگن حالتدن یخشیراق تیکلش» یاندشووینی توصیه قیلهدی، شونده تیکلنگن تیزیملر و آستقورمهلر خوفسیزراق، برقرارراق و کېلهجکدهگی فوق العاده وضعیتلرگه تیار بۉلهدی.
جاري ییل اگست آیی نینگ آخریده، شرقي افغانستانده 6رشترلی زلزله یوز بېرگن.
بیرلشگن ملتلر تشکیلاتینینگ معلوماتلریگه کۉره، اوشبو زلزلهده بیرمینگ۹۹۲ کیشی هلاک بۉلگن و اوچمینگ ۶۳۱کیشی جراحت آلگن.
شونینگدېک بیرلشگن ملتلر تکشیلاتینینگ کۉپهیتیریشیچه، بو زلزلهده سکّیزمینگ ۳۰۰دن آرتیق اویلر ضرر کۉرگن یاکه ویران بۉلگن.
