آلمان نینگ تشقی ایشلر وزیری یوهان واده فول ، اوشبو مملکت پاکستاندهگی مجبوري قبول وعدهسیگه اېگه افغانستانلیک قاچقینلرنی آلمانگه کۉچیریش جریانینی تېزلشتیریشینی معلوم قیلدی.
او «انپیدی» اخبارات آژانسیگه بېرگن صحبتیده، بو مسأله حاضر اولویتده اېکنینی ایتدی.
آلمان تشقی ایشلر وزیری، اوشبو قاچقینلرنی کۉچیریش جریانی جاري ییل آخریگچه یکونلهنیشی حقیده امید قیلدی.
حاضرده پاکستانده تخمیناً بیرمینگ ۹۰۰ افغانستانلیک قاچقین آلمانگه کۉچیریشنی کوتماقده.
آلمان حکومتی یقینده شونی معلوم قیلگن: اوشبو قاچقینلر نینگ۶۵۰ نفری نینگ عریضهسی رد اېتیلهدی، چونکه اولر مجبوري قبول وعدهسیگه اېگه اېمس.
شونینگدېک، آلمان بعضی افغانستانلیک قاچقینلرگه پول عوضیگه مهاجرتدن واز کېچیش تکلیفینی بېرگن و۶۲ کیشی بو تکلیفنی قبول قیلگن.
