مملکت سابق تشقی ایشلر وزیری حنیف اتمر، تهراندهگی ییغیلیشده افغانستان ایچکی مذاکرهلرینی باشلش ضرورلیگیگه اورغو بېریلیشیگه امید بیلدیرگن و افغانستان تامانلرینی بیرلشگن ملتلر تشکیلاتی بیلن همکارلیکده بو مذاکرهلرنی علاجی باریچه تېزراق اۉتکزیشگه چقیرگن.
اتمرنینگ یازیشیچه، تهرانده افغانستان وضعیتی بۉییچه منطقه دولتلری ییغیلیشی سیاسي جریاننی ایلگری سوریش و ملي، منطقوي همده خلق ارا حرکتلرنی موافقلشتیریش آرقهلی افغانستاندهگی بحرانلر اوچون برقرار یېچیملر تاپیشده مهم امکانیت بۉلیشی ممکن.
اونینگ قۉشیمچه قیلیشیچه، امید قیلهمیز، اوشبو ییغیلیش افغانستان ایچکی مذاکرهلرینی باشلش ضرورلیگیگه اورغو بېرهدی، بحراننینگ ایچکی تامانلرینی حل قیلیش و افغانستان حکومتی نینگ خلقارا مجبوريتلرینی بجریش مسألهلرینی محاکمه قیلهدی همده افغانستان تامانلرینی بیرلشیگن ملتلر تشکیلاتی بیلن همکارلیکده بو مذاکرهلرنی امکان قدَر تېزراق اۉتکزیشگه چقیرهدی و اۉز قۉللب-قوّتلشلرینی بیلدیرهدی.
او، بعضی سیاسي حزبلر و جریانلرنینگ «بیر آوازلیک بیاناتی»گه اشاره قیلیب، بو بیانات منطقوي و خلق ارا تامانلرگه مملکتدهگی سیاسي آقیملر سیاسي بحرانلرنی حل قیلیشگه تیار و بیر آوازده اېکنلیکلرینی کۉرسهتیشی کېرهکلیگینی تأکیدلهگن.
اشرف غنی حکومتینینگ سابق تشقی ایشلر وزیری حاضرگی پیتده منطقه دولتلری و خلق ارا همجميعتنینگ بیر آوازلیلیکنی قۉللب-قوّتلش و سیاسي یېچیملر تاپیشدهگی رۉلینی بجریش وقتی کېلگنینی ایتگن.
