جهان ساغلیقنی سقلش تشکیلاتی افغانستاندهگی ساغلیقنی سقلش حالتی بۉییچه آیلیک گزارشیده، نوامبر آییده اۉتکیر عفونت حاد تنفسی (ذاتالریه) بیلن کسللنیش۲۴.۶ فایزگه آشگنینی معلوم قیلدی.
اوشبو تشکیلات آماری معلوماتلریگه کۉره، کسللیکلرنی کوزهتیش تیزیمی ۱۴۷ مینگ۱۳۸ ته اۉتکیر عفونت حاد تنفسی حالتینی و۲۴۸ ته اۉلیم حالتینی قید اېتگن.
جهان ساغلیقنی سهقلش تشکیلاتی معلوماتیگه کۉره، اکتبر آییده اۉتکیر عفونت حاد تنفسی بیلن کسللنیش حالتلری۱۱۸ مینگ ۹۰تگه یېتگن اېدی.
تشکیلاتنینگ ایتیشیچه، نوامبر آییده کسللنیش حالتلری آشگنیگه قرهمهی، اۉلیم کۉرستکیچی۰.۲درجهسیده برقرار قالگن.
تشکیلات حساباتینینگ دوامیده ایتیلیشیچه، نوامبر آییده ۹مینگ۵۴۸اۉتکیر سوولی ایچ کېتیش حالتی و اونگه باغلیق۴ ته اۉلیم قید اېتیلگن.
جهان ساغلیقنی سقلش تشکیلاتیگه کۉره، بو کۉرستکیچ آکتبر آییگه نسبتا۳۸.۲فایزگه کمهیگن. تشکیلات شونینگدېک، اۉتکیر سوولی ایچ کېتیش اگست آییدن بویان پسهییش حالتده اېکنینی بیلدیرگن.
گزارشده ایتیلیشیچه، نوامبر آییده گمان قیلینگن دنگی ایسیتمهسی حالتلری۲ مینگ۳۵۷تگه یېتگن، بو آکتبر آییگه نسبتاً۲۱.۹فایزگه کۉپ. شونگه قرهمهی، ۲۰۲۵ ییلده دنگی ایسیتمهسی بیلن باغلیق بیرار اۉلیم حالتی قید اېتیلمهگن، بو اېسه کسللیک حالتلری نینگ ثمرهلی باشقریلهیاتگنینی کۉرسهتهدی.
حساباتگه کۉره، حسابات دوریده جمعی۴ مینگ۸۰۴ ته بېزهک (مالاریا) حالتی قید اېتیلگن بۉلیب، بو آکتبر آییدهگی ۱۵مینگ۲۵۳ حالتگه نسبتاً۶۸.۵فایزلیک کمهییشنی انگلهتهدی.
۲۰۲۵ییل باشیدن بېری بېزهک بیلن باغلیق بیرارته هم اۉلیم حالتی قید اېتیلمهگن.
گزارشده، نوامبر آییده ۳مینگ۷۲۱ته ینگی قیزهمیق حالتی و اونگه باغلیق 5 ته اۉلیم قید اېتیلگنی، بو اېسه سپتمبر آییگه نسبتاً 5،1 فایزگه آشگنینی کۉرسهتیشی ایتیلگن.
تشکیلات معلوماتیگه کۉره، قیزهمیققه قرشی عمومی اېملش کمپاینی نینگ بیرینچی باسقیچی موفقیتلی یکونلنگن و ساووق اقلیملی۱۷ ولایتده ۶آیلیکدن ۱۰ یاشگچه بۉلگن قریب ۸.۳ میلیون باله قمرهب آلینگن.
جهان ساغلیقنی سقلش تشکیلاتی شونینگدېک، نوامبر آییده کانگیا گې ایسیتمهسی (قریم-کانگای) بیلن کسللنیش نینگ۴۷حالتی و اونگه باغلیق۴ته اۉلیم قید اېتیلگنینی معلوم قیلگن. بو اکتبر آییگه نسبتاً۶۰.۸ فایزگه کمهییشنی کۉرسهتهدی.
تشکیلات نینگ تأکیدلشیچه، کانگی ایسیتمهسیده اۉلیم درجهسی یوقاری بۉلگنی سببلی، اېرته تشخیص و اۉز وقتیده چارهلر کۉریش اوچون کوچلی و اوزلوکسیز نظارتنی سقلب قالیش نهایتده مهم.
افغانستانده آلدینی آلیش ممکن بۉلگن کسللیکلر اهالی نینگ جانیگه ضامن بۉلهیاتگن بیر پیتده، مملکت نینگ ساغلیقنی سقلش ساحهسی جدّي بحرانگه یوز توتگن.
تشقی یاردملر قیسقرگنیدن سۉنگ یوزلب طبیات مرکزلری یاپیلگن. حاضرده مملکتدهگی ساغلیقنی سقلش مؤسسهلری اساسا خلق ارا تشکیلاتلر کمهگیده فعالیت یوریتماقده.
