بلخ ولایتیدهگی بیر قطار اۉغیل اۉقووچیلرنینگ ایتیشلریچه، طالبان مکتب ادارهلریگه حجتلر اوچون آلینهدیگن صورتلر سلّه بۉلیشی شرط، دېگن کۉرسهتمه بېرگن.
اۉقووچیلرنینگ ایتیشیچه، سلّهکسیز آلینگن صورتلرنی مکتب ادارهلری قبول قیلمهیپتی.
اولر نینگ سۉزلریگه کۉره، بو طلب سۉنگگی کونلرده، ییل یکوني امتحانلری دوامیده مکتب مسووللری تامانیدن اۉقووچیلرگه یېتکزیلگن.
اۉقووچیلر، بو قاعدهلر بلکه ولایتیدهگی برچه دولت و خصوصي مکتبلرده جاري اېتیلگن و سلّهسیز صورتلر تعلیمي حجتلر اوچون قبول قیلینمهیدی دېدیلر.
بونگچه هم طالبان اۉقووچیلرگه مکتبده سلّه اۉرهش مجبوريلیگینی بویورگن اېدی. ایلگری اۉقووچیلر عادتده رسمي مکتب یونفورمینی کيیشگن، اما طالبان حکومتی نینگ رسمي یونفورمی محلي لباس و سلّه حسابلنهدی.
