بیرلشگن ملتلر تشکیلاتینینگ افغانستانگه انسانپرورلیک یاردملرینی موافقلشتیرووچی ادارهسی (اوچا) نینگ معلوم قیلیشیچه، دانمارک افغانستان نینگ انسانپرورلیک صندیغیگه۳۰ میلیون کرون، یعنی۴.۶۶میلیون امریکا دالری مقداریده یاردم بېرگن.
اوچا بوگون توشدن کېین (سهشنبه، ۱۸ قوس) ایکس اجماعی صحیفهسیده دانمارکنینگ افغانستانگه قیلگن یاردمیگه منّتدارچیلیک بیلدیردی.
اداره تأکیدلشیچه، دانمارک نینگ اوزلوکسیز قۉللب-قوّتلشی یاردم کۉرستووچیلرگه فوق العاده وضعیتلردن ضرر کۉرگن عایلهلرگه حیات اوچون ضرور یاردملرنی یېتکزیشده یاردم بېرهدی.
بو آرهده، جاري ییل دوامیده انسانپرورلیک تشکیلاتلری افغانستاندهگی احتیاجمندلرگه یاردم کۉرسهتیش اوچون بودجه یېتیشمسلیگیدن کۉپ بار شکایت قیلگن.
دنیا آزیق-آوقت دستوری اېسه بودجه یېتیشمسلیگی سببلی آزیق-آوقت یاردمینی آلووچیلر سانینی۱۰ میلیوندن۲ میلیونگه کمهیتیریشگه مجبور بۉلگنینی معلوم قیلگن.
