قزاقستان جمهور رییسینینگ مخصوص نمایندهسی پیرکین توکومف، کابلگه سفر چاغیده طالبان تشقی ایشلر وزیری امیرخان متقی بیلن اوچرهشیب، صحبت اۉتکزدی.
طالبان تشقی ایشلر وزیرلیگی بوگون (دوشنبه، ۱۷ قوس) ترقهتگن بیاناتیده ایتیلیشیچه، اوچرهشووده سیاسي و اقتصادي همکارلیکنی مستحکملش همده منطقهدهگی سۉنگگی وضعیت حقیده فکر المشیلگن.
امیرخان متقینینگ سۉزلریگه کوره،، طالبان قۉشنی و منطقه دولتلری بیلن دیپلوماتیک، اۉز ارا توشونیش و حرمت اساسیده ایجابي مناسبتلر اۉرنهتیشگه اینتیلماقده و بو یۉنهلیشده قزاقستان بیلن سیاسي همده اقتصادي علاقهلرده سېزیلرلی یوتوقلرگه اېریشیلگن.
طالبان تشقی ایشلر وزیرلیگینینگ بیاناتیگه کۉره، قزاقستان نینگ مخصوص نمایندهسی طالبان نینگ موضعلرینی آلقیشلهگن و اولر بیلن همکارلیکنی دوام اېتتیریشگه ایشانچ بیلدیرگن.
بیاناتگه کۉره، قزاقستان جمهور رییسی نینگ مخصوص نمایندهسی منطقوي برقرارلیک همهگه تېگیشلی عمومي مسوولیت اېکنینی، بو اېسه ایشانچ، یخشی خوفسیزلیک و اقتصادي همکارلیک آرقهلی عملگه آشیشینی تأکیدلهگن.
سۉنگی تۉرت ییل ایچیده قزاقستان طالبان بیلن سیاسي و اقتصادي علاقهلرنی کېنگهیتیرگن همده بو گروهنی اۉزی نینگ تروریستیک تشکیلاتلر رۉیخطیدن اۉچیرگن.
شونگه قرهمهی، قزاقستان حاضرگچه افغانستاندهگی طالبان حکومتینی رسمي روشده تن آلمهگن.
