اېراننینگ خراسان رضوی ولایتی خوفسیزلیک و ترتیب-انتظام بۉییچه اۉرینباسری امرالله شمقدرینینگ ایتیشیچه، جاري ییلده بیر میلیون۸۰۰ مینگ مهاجر دوغارون-اسلام قلعه چېگرهسی آرقهلی افغانستانگه قَیتگن.
اونینگ تسنیم اخبارات آژانسیگه بېرگن صحبتیده بو رقم سۉنگّی بیر نېچه ییلدهگی اېنگ کېنگ کۉلملی چیقیب کېتیش تۉلقینلریدن بیری اېکنینی تأکیدلهگن.
ایرانلیک اوشبو رسمي: ۱۲کونلیک اوروشدن سۉنگ چیقیب کېتیش اېنگ یوقاری درجهگه چیققن اېدی، بیراق سۉنگّی آیلرده بو جریان برقرار و باشقریلهدیگن ریتمگه توشدی همده سېزیلرلی روشده کمهیدی دېدی.
شمقدری مهاجرلرنینگ عامهوي چیقیب کېتیشی خراسانی رضوی ولایتینینگ ایش بازاری و خدمت کۉرسهتیش تیزیمیگه قندهی تأثیر قیلگنی حقیده هم گپیریب، تخمینلرگه کۉره بو تأثیر ۱۰ فایز اطرافیده بۉلگنینی و کتّه اۉزگریش کېلتیرمهگنینی بیلدیرگن.
ایران رسميلری بوندن آلدین هم افغانستانلیک مهاجرلر سانی مملکتده بیر نېچه میلیونگه یېتیشینی ایتیشگن اېدی.
ایران جاري ییل باشیده رۉیخطگه آلینگن (سرشماري) حجتیگه اېگه مهاجرلردن مملکتنی ترک اېتیشنی سۉرهگن. بو گروهنینگ سانی ایکّی میلیون نفر دېب اعلان قیلینگن.
پاکستانده هم مهاجرلرنی چیقریب یوباریش جریانی دوام اېتماقده. بو آرهده افغانستانده اقتصادي بحران و ایشسیزلیک ینه-ده آغیرلشماقده. شونگه قرهمهی، قَیتگن مهاجرلرنینگ اَیریملری ینه قاچقین یۉللر بیلن ایرانگه قَیتیشگه حرکت قیلماقده.
