فاریاب ولایتیدهگی منبعلر، فاریابلیک تۉرت یاش – ییگیت جوزجانده بیر ترافیک حادثه نتیجهسیده اۉلگنینی ایتهدیلر.
مردمی منبعنینگ ایتیشیچه، اوشبو یاش – ییگیتلر مکتبنی بیتتیریش مناسبتی بیلن اۉرتاقلری بیلن تفریح اوچون مزار شریفگه کېتگنلر و قیتیب کېلگونچه، موترلری حادثهگه رۉپه ره بۉلیب، نتیجهده تۉرت کیشی هلاک بۉلگن و باشقه ایکّی نفر یرهلنگن.
منبعلرنینگ قۉشیمچه قیلیشیچه، مذکور حادثه تیناوون کېچ (یکشنبه ۱۶ قوس) جوزجاننینگ خواجه دوکوه اولسواللگی شبرغان – اندخوی عمومی قتناو یۉلیده یوز بېرگن.
بو ترافیک حادثهنینگ سببی هنوز معلوم اېمس. طالبلر رسمیلری هم بو حقیده بیرار نرسه دېمهگن.
یۉللرنینگ اېنسیزلیگی و بوزیقلیگی، ترافیکی قانونینی رعایت اېتمسلیک و هیداوچیلرنینگ احیتاط سیزلیگی مملکتدهگی ترافیک حادثهلرنینگ اصلی عاملی حسابلنهدی.
