چېگره بیلمس خبرچیلر تشکیلاتینینگ معلوم قیلیشیچه، ۲۰۲۵ییلده کمیده ۲۰ نفر افغانستانلیک ژورنالیستلر پاکستانده مجبورن اۉزلری قاچیب کېلگن مملکتگه قَیتریلگن.
تشکیلات پاکستان رسميلریدن بو مجبوری چیقریشلرنی تۉختهتیشنی طلب قیلگن. شونینگدېک مذکور تشکیلات خلق ارا همجمعیتدن افغانستانلیک ژورنالیستلر اوچون قَیته جایلشتیریش یۉللرینی آچیشنی سۉرهگن.
بو تشکیلات خبریگه کۉره، پاکستانده تخمیناً ۲۰۰ نفر افغانستانلیک ژورنالیستلر اوچینچی مملکت ویزهسینی کوتهیاتگن اېدی، اما غربي دولتلردهگی قَیته جایلشتیریش جریانی حاضر تۉختهب قالگن یاکه جوده سېکینلشگن.
تشکیلاتنینگ معلوم قیلگنیدېک، اوشبو ژورنالیستلر حاضر مجبورن افغانستانگه چیقریلیش خوفی آستیده بۉلیب، او یېرده طالباننینگ قتّيق قصاص چارهلری بیلن یوزلشهدیلر.
تشکیلات نینگ قۉشیمچه قیلیشیچه، سۉنگّی آلتی آی ایچیده پاکستاندهگی قاچقین ژورنالیستلردن آلینگن کۉپلب یاردم سۉراولری و خبرلر موجود بۉلیب، اولر پولیس تامانیدن اۉز اختیاری بیلن حبسگه آلینیب، تېرگاو حاللریگه آلیب کېلینگن و حتا بیر نېچه ساعت ایچیده مجبورن چیقریلگن.
تشکیلات کمیده ۲۰ ژورنالیستنی اۉز مملکتیگه مجبورن قَیتریلگن دېب حسابلهماقده.
چېگره بیلمس خبرچیلر تشکیلاتینینگ جَنوبي آسیا بۉییچه باشلیغی سلیا مرسیه نینگ ایتیشیچه: «پاکستاندهگی افغانستان ژورنالیستلری نینگ حالتی صبرسیزلیککه یېتکزدی. بو اېرککلر و عیاللر طالبان ظلمیدن قاچیب کېلگنیدن سۉنگ، هر کونی اۉز اختیاری بیلن حبسگه آلینیشی و چیقریلیش بیلن تهدید قیلینیشی بیلن یوزلشماقده؛ بو اېسه خلقارا حقوق نینگ اساسي تمایلی مجبورن قَیتریلمسلیک پرینسیپینی تۉغریدن-تۉغری بوزهدی.»
طالبان حاکمیتگه قَیتگندن سۉنگ، افغانستان نینگ عاموی اخبارات واسطهلری ساحهسینینگ یرمی یاپیلگن یاکه مملکت تشقریسیگه کۉچیریلگن. اولر ژنالیستیکه و یېتکرمه فعالیتیگه قتّيق چېکلاولر قۉیگن. طالبان ژورنالیستلرنی بیر نېچه بار حبسگه آلیب، قماققه تشلهگن، اطلاعات روز گزیتهسی ژورنالیستی حمید فرهادی ایکّی ییلگه قماق جزاسی آلگن و حاضرده اونی اۉتهماقده.
