طالبلرنینگ سۉزلاوچیسی ذبیحالله مجاهد، پاکستان افغانستان بیلن چېگره اۉتیش یۉللرینی ناقانوني طرزده، سیاسي و اقتصادي باسیم واسطهسی صفتیده یاپگنینی و بو ایکّی مملکت خلقیگه جدّي ضرر یېتکزگنینی معلوم قیلدی.
جناب مجاهد بوگون(پنجشنبه ۱۳ قوس) ایکس اجتماعی صحیفهسیده یازیشیچه، افغانستان اۉز احتیاجلرینی باشقه مملکتلردن قاندیریشی سببلی، طالبان اوشبو اۉتیش یۉللرنی پاکستان حکومتی تامانیدن ایشانچلی کفالت بېریلمهگونیچه آچیلمسلیگینی قرار قیلگن.
او شونینگدېک، پاکستان کېلهجکده بو چېگره اۉتیش یۉللرینی سیاسي باسیم، ناقانوني فایدهلنیش یاکه خلقنی قییناققه سالیش اوچون یاپمسلیگیگه ایشانچ بېریشی کېرهکلیگی حقیده علیحده تاکیدلهدی.
پاکستان تخمیناً 50 کون آلدین، طالبان بیلن کېلیشماوچیلیکلر آرتیدن افغانستان بیلن چېگره اۉتیش یۉللرینی یاپگن اېدی.
سۉنگّی پیتلرده پاکستان فقط بیرلشگن ملتلر تشیکلاتینینگ انسانپرورلیک یاردمی یوکلریگه چېگره آرقهلی اۉتیشگه رخصت بېریشینی اعلان قیلدی.
طالبان و پاکستان اۉرتهسیدهگی کېلیشماوچیلیکلر و مذاکرهلرنینگ موفقیتسیزلیگی طفیلی، افغانستان و پاکستان اۉرتهسیدهگی تجارت هم تۉختهگن.
طالبان افغانستانلیک تجارلرگه پاکستان یۉللریدن تشقری باشقه مناسب یۉللرنی تنلب، صادرات و وارداتنی عملگه آشیریشنی بویورگن.
