طالبلرنینگ اېکینچیلیک، چارواچیلیک و سوغاریش وزیرلیگی، هرات ولایتیده کونیگه ایکّی یریم میلیون دانه تخم ایشلب چیقریلماقده دېب معلوم قیلدی.
وزیرلیک بوگون (چهارشنبه، ۱۲ قوس) اعلان قیلگن بیاناتیده تأکیدلشیچه، ییلنینگ کېلهسی بیر نېچه آییده کونلیک ایشلب چیقریش تۉرت میلیون دانهگه یېتکزیلیشی رېجهلشتیریلگن.
طالبلرنینگ اېکینچیلیک وزیرلیگی معلوماتیگه کۉره، هراتده تاووقچیلیک صنعتیگه جمعی ۱۲۰ میلیون دالردن آرتیق سرمایه کیریتیلگن.
وزیرلیکنینگ قۉشیمچه قیلیب ایتیشیچه، ولایتده۸۰۰ ته تاووغ کارخانهسی فعالیت یوریتماقده، اولردن ۶۵ ته سی مخصوص تخم ایشلب چیقریشگه اختصاصلشگن.
بیاناتگه کۉره، هراتدهگی تخم ایشلب چیقرووچی کارخانهلرده۱۵ مینگگه یقین کیشی ایشلهیدی، محصولاتنینگ ۷۵ فایزی اېسه باشقه ولایتلرگه یوباریلهدی.
طالبلرگه کۉره، مملکتنینگ تاووغچیلیک صنعتی اۉزینی اۉزی تأمینلش باسقیچیگه یقینلشماقده.
بیراق، افغانستان و پاکستان اۉرتهسیدهگی چېگره اۉتیش جایلرینینگ یاپیلیشی، مملکتنینگ تورلی شهرلریده تاووق گۉشتی و تخم نرخینینگ آشیشیگه سبب بۉلگن.
حاضرده کابل شهریده بیر کیلو تاووق گۉشتی ۲۴۰ افغانی، بیر دانه تخم اېسه ۹ افغانی نرخ بیلن ساتیلماقده.
