افغانستانلیک تانیقلی یازوچی، فرهنگی، اۉزبېک ژورنالیست و اۉزبېک مطبوعاتنینگ اساسچیلریدن بۉلمیش استادامانالله خلیلیار تیناوون (سهشنبه ۱۱ قوس) توشدن سۉنگ کابلدهگی شفاخانهلردن بیریده عالمدن اۉتدی.
افغانستان ملی رادیو تلویزیونی اۉزبېک بۉلیمینینگ سابق باشلیغی همده آینه خلقارا تلویزیونینینگ سابق نشرات باشلیغی استادامانالله خلیلیارنینگ عالمدن اۉتیشی افغانستانلیک سیاستچیلر، ضیالیلر، فرهنگیلر و مدنی شخصیتلر آرهسیده کېنگ مناسبتلرگه سبب بۉلدی.
بو مناسبتلر دوامیده افغانستان ملی اسلامی جنبش حزبینینگ رهبری و اساسچیسی مارشال عبدالرشید دوستم رحمتلی استادامانالله خلیلیارنینگ وفات اېتگنی تۉغریسیده اۉز قیغوداشلیگینی بیلدیریب تسلیت پیام نشر قیلدی.
مارشال نینگ پیامیده یازیلیشیچه: «استاد امانالله خلیلیار مملکتیمیزنینگ تاثیرچن یازوچی و فرهنگی سیمالریدن بیری اېدی و بوتون عمرینی اۉز خلقینینگ مدنیتینی رواجلنتیریش ساحهسیده اۉتکزدی و رحمتلینینگ تیل، مدنیت و مطبوعات ساحهلریده قیلگن فعالیت و سعی حرکتلریدن دایم جریانده اېدی.»
شونینگدیک مارشال عبدالرشیم دوستم اۉزینینگ اوشبو قیغوداشلیک پیامینینگ باشقه بیر قسمیده: «استاد امانالله خلیلیار افغانستان ملی اسلامی جنبش حزبینینگ سیاسی کمیتهسی عضوی اېدی و هر دایم مېنینگ یانیمده تاغ دېک توریب، تورلی موضوعلر بۉییچه مصحلت بېرگن اېدی.»
شو کبی مارشال عبدالرشید دوستم: «استاد امانالله خلیلیار اۉزینینگ ثمرهلی عمری دوامیده افغانستانلیک یوزلب یاش – ییگیتلرگه ژورنالیستلیک ساحهسیده استادلیک قیلیب بو یولده یوزلب یاشلرنی یېتیشتیرگن بویوک بیر شخصیت ایېدی دېب قوشیمچه قیلگن.»
مملکتنینگ اتاقلی یازوچی، فرهنگی همده ژورنالیست شخصیتی استاد امانالله خلیلیار یورهک کسللیگی سبب تیناوون توشدن سۉنگ کابلدهگی شفاخانهلردن بیریده۸۶یاشیده عالمدن اۉتدی.
