خوست ولایتیده طالبلر والیسی دفترینینگ اعلان قیلیشیچه، اېرته (سهشنبه۱۱ قوس) مذکور ولایتنینگ سپورت میدانیده بیر کیشی اعدام قیلینهیدی.
خوستده طالبلر والیسینینگ سۉزلاوچیسی مستغفر گربز اوشبو حکم اېرته ساعت ۱۰:۰۰ اجرا اېتیلهدی دېگن.
شونینگدیک گربز طالبلرنینگ محلی بلند مرتبهلی رسمیلری همده اهالیدن اوشبو حکم اجرا اېتیلیشیده حاضر بۉلیشلرینی سۉرهگن؛ لیکن اولردن قورال اسلحه همده کامرهلی تیلفونلر بیلن کېلمسلیکلرینی ایستهگن.
طالبلر والیسینینگ سۉزلاوچیسی اېرته دارگه تارتیلهدیگن کیشی بو ولایتنینگ علیشیر اولسواللیگیده آغیر بیر واقعهگه عیبلنگنینی بیلدیرگن.
طالبلر افغانستانده قیته دن حاکمیت تېپهسیگه کېلگندن بۉیان آچیق اجرا قیلهجک اۉن ایکّینجی اعدام حسابلنهدی.
اوشبو گروه بوندن آلدین ۱۱ کیشینی فراه، لغمان، غزنی، جوزجان، بادغیس و نیمروز ولایتلریده یوزلب تماشاچی حضوریده اعدام قیلگن اېدی.
