پاکستاننینگ افغانستان بۉییچه سابق مخصوص نمایندهسی آصف درانی، هند طالباننی «افغانستانگه محبتدن» اېمس، بلکه پاکستانگه قرشی فایدهلنیش مقصدیده جلب قیلماقده دېب ایتگن.
درانینینگ ایکس اجتماعی صحیفهسیده یازیشیچه، «بو ینگی سناریوی طالبان رژیمینینگ سقلنیشی اوچون خوفلی بۉلهدی؛ طالبلر اۉزینی انتحاری قیلیش یۉلدن واز کېچیشیگه امید قیلهمیز دېگن.»
پاکستان رسميلری، هند طالبان آرقهلی، طالباننینگ پاکستان شاخهسی یاکه تیتیپینی پاکستان حکومتی قرشی قۉللب-قوّتلشنی ادعا قیلماقده. هند و طالبان اېسه بو ادعانی رد اېتهدی.
طالبان بیلن پاکستان اۉرتهسیدهگی ترنگلیک دوام اېتر اېکن، طلبلر هندگه یقینلشماقده. طالبان تشقی ایشلر وزیری امیرخان ماقینینگ دهلی سفریدن سۉنگ، هند اۉز ماموریتینی افغانستاندهگی اېلچیخانهگه کۉتریشینی اعلان قیلدی.
متقی هندده بۉلگن بیر پیتده، پاکستان کابل قۉشیمچه افغانستاننینگ بیر نېچته ولایتلرگه هجوم اویوشتیردی. اوشبو هجومدن سۉنگ طالبان و پاکستان چېگرهچیلری بیر هفته دوامیده تۉقنهشوولرگه کیریشدی، کېین ایکّی تامان اۉت آچیشنی تۉختهتیش و مذاکره قیلیشگه کېلیشدی، اما بو مذاکرهلر نتیجه بېرمهدی و ترنگلیک حلی هم دوام اېتماقده.
