«افغانستان آزادلیک جبههسی» حربیلرینینگ بدخشان و قندوز ولایتلریدهگی هجومی نتیجهسیده طالبلرینگ بېش اعضاسی اۉلدیریلگن و گروهنینگ باشقه اوچ عضوی تن جراحتی آلگنینی بیلدیردی.
اوشبو جبههنینگ ایری اعلامیه نشر قیلیب ایتیشیچه، مذکور هجوملر تیناوون کېچقورون (شنبه ۸ قوس) اویوشتیریلگن.
«افغانستان آزادلیک جبههسی» حربی کوچلری تیناوون شامده بدخشان ولایتی مرکزی فیض آباد شهریدهگی «تپه تلویزیون» ساحهسیده طالبلرنینگ یېتّینچی حوزهسینی راکت هجومی اوستیگه آلگن و هر ایکّی تامان اۉرتهسیده ۱۵ دقیقه قوراللی تۉقشوو یوز بېرگن.
اوشبو جبههنینگ معلوم قیلیشیچه، بو هجومده طالبلرنینگ اوچ عضوی اۉلدیریلگن و باشقه ایکّی عضوی اېسه یرهلنتیریلگن.
«افغانستان آزادلیک جبههسی» باشقه بیر اعلامیهده، حربی کوچلری تیناوون کېچقورون قندوز شهری آزادلیک جادهسیده طالبلرنینگ تېکشیروو بیر پستهسیگه حمله قیلگنلرینی بیلدیرگن.
مذکور اعلامیه گه کۉره، اوشبو هجومده طالبلرنینگ ایکّی عضو اۉلدیریلگن و باشقه بیر جنگریسی یرهلنتیریلگن.
«افغانستان آزادلیک جبههسی» ایتیب اۉتیلگن هجوملرده حربی کوچلریگه هیچ قندهی زیان یېتمهگنینی بیلدیرگن.
بدخشان همده قندوز ولایتلریده طالبلرنینگ محلی رسمیلری اوشبو هجوملر بارهسیده هنوز بیرار نرسه دېمهگنلر.
