افغانستاننینگ آغیر وزن بۉییچه وزنهبرداری فضل کریم تورکمن ایراننینگ آلتینچی بار اۉتکزیلگن فجر خلق خلقارا آغیر وزن بۉییچه مسابقهلریده بوگون اوچته برونز مدالنی قۉلگه کیریتدی.
مسابقه جاري ییلنینگ ۲۹-۲۶ نوامبر کونلری تهرانده بۉلیب اۉتدی. افغانستاندن اوچ نفر سپورتچی و بیر مربي اشتراک اېتدی. اولردن فقط فضل کریم تورکمن آغیر وزن بۉلیمیده مدال آلیشگه موفق بۉلدی.
تورکمن بیر ضربه و ایکّی ضربه یۉنهلیشلریده برونز آلدی. شونینگدېک، جمعی ۳۰۵ کیلوگرام کۉترگنی اوچون عمومي حسابده هم برونز مدالی اونگه نصیب اېتدی. او مذکور مسابقهلرده 100 کیلوگرام وزن یۉنلیشیده اشتراک اېتدی.
اوشبو مسابقهلرده اۉن دولتنینگ سپورتچیلری جملهدن، ایراننینگ ایکّی جماعهسی، اۉزبېکستان، تاجیکستان، افغانستان، تورکمنستان، سعوديه عربستانی، عراق، سریلانکا، بنگلهدېش و یمن اشتراک اېتیشدی.
