ننگرهار ولایتینینگ کامی اولسواللیگیده بیر تۉی مراسمیده ایکّی عایله اعضالری اۉرتهسیده قوراللی تۉقنهشوو یوز بېریشی عاقبتیده بیر کیشی اۉلگن و ینه باشقه ایکّی کیشی یرهلنگن.
اولسواللیکنینگ یشاووچیلریدن شاه زمان نینگ ایتیشیچه، بو حادثه تیناوون کېچقورون ( جمعه ۷ قوس) مذکور اولسووالیک نینگ «شیهلام» قیشلاغی «شنی قلعه» منطقهسیده یوز بیرگن.
اونینگ سۉزلریگه کۉره، ایکّی عایله بیرینچیدن آغزهکی جنجللشگن، کېین اېسه بیر- بیرلریگه قرشی اۉ اوزگن، نتیجهده بیر عایله اعضالریدن بیری اۉلدیریلگن و باشقه عایلهدن اېسه ایکّی کیشی یرهلنگن.
بو ایکّی عایله تۉی مراسمیگه کېلگن قیشلاق اهالیسی اېدی. مراسم دوامیده جنجل چیقدی، سۉنگره بیر-بیریگه اۉق اوزیشدی عاقبتده بیر کیشی هلاک بۉلدی، ایکّی کیشی یرهلندی دېیدی شاه زمان.
ننگرهاردهگی طالبلر پولیس ادارهسی هم حادثهنی تصدیقلب، واقعهدن سۉنگ اولرنینگ کوچلری منطقهگه یېتیب بارگنی و یرهلنگلرنی دوالش اوچون اولسواللیک شفاخانهسیگه آلیب کېتیشگنینی معلوم قیلگن.
