هند تشقی ایشلر وزیرلیگی افغانستانگه ۷۳ تُن دارو-درمان، واکسن و «ضروري قۉشیمچهلر» یوبارگنینی معلوم قیلدی.
هند تشقی ایشلر وزیرلیگی مطبوعات سۉزلاوچیسی راندهیر جیسوال بوگون (جمعه،۷ قوس) ایتیشیچه، بو یاردم یوکلری افغانستاندهگی شاشیلینچ ساغلیقنی سقلش احتیاجلرینی قاندیریش مقصدیده کابلگه جۉنهتیلگن.
اونینگ قۉشیمچه قیلیشیچه، «هندنینگ افغانستان خلقیگه کۉرسهتهیاتگن برقرار یاردمی دوام اېتهدی.»
طالباننینگ پاکستان بیلن سیاسي کېسکینلیکلری آرتیدن هند بیلن سیاسي و تجاري علاقهلری، جملهدن دارولر صادر قیلیش بۉییچه همکارلیک، سېزیلرلی درجهده آشگن.
طالباننینگ صناعت و تجارت وزیری بیلن هند رسمیلری اۉرتهسیدهگی کېلیشووگه کۉره، بیر قطار هند شرکتلری افغانستانده دارو ایشلب چیقریش امکانیتینی اۉرگنهدی.
شونینگدېک، تیناوون بیر افغانستنان شرکتی هند شرکتی بیلن ۱۰۰ میلیون دالرلیک دارو وارد قیلش و ایشلب چیقریشی بۉییچه شرطنامه امضالهگن.
طالبان افغانستاندهگی دارو تجارلریگه اوچ آی مدت بېرگن اولر شو وقت ایچیده پاکستان شرکتلری بیلن حساب-کتابلرینی یکونلشی کېرهک. شوندن سۉنگ پاکستاندن دارو آلیب کېلیش بوتونلهی منبع قیلینهدی.
