بریتانانینگ افغانستان بۉییچه مخصوص نمایندهسی ریچارد لیندسینینگ ایتیشیچه، مملکتنینگ ترقیاتی اوچون عیاللرنینگ تعلیم آلیشی، ایشلشی و اساسي اېرکینلیکلریگه قۉییلگن تۉسیقلر آلیب تشلنیشی لازم.
ریچارد لیندسینینگ ایکس صحیفهسیده یازیشیچه، او تیناوون (پنجشنبه،۶قوس) افغانستاننینگ تورلی ولایتلریدن بۉلگن بیر گروه عیاللر بیلن آنلاین صحبتلشیب، اولرنینگ حاضرگی شرایطدهگی تجربه و معمالریدن خبردار بۉلگن.
اونینگ قۉشیمچه قیلیشیچه، افغانستانلیک عیاللرنینگ ماسلشووچنلیگی و برداشی الهام بخش اېتهدی.
طالبان افغانستانده حاکمیتنی قَیته اېگهلهگنیدن بېری، قیزلرنینگ آلتینچی صنفدن یوقاری اۉقیشگه باریشینی منع قیلینیب، بیلیم یورتی اېشیکلرینی هم اولر اوچون یاپیب قۉیگن.
شونینگدېک، بو گروه عیاللرنینگ دولت ادارهلری، محلي و خلق ارا نادولت تشکیلاتلرده ایشلشینی منبع قیلگن یاکه کېسکین چېکلاولر جاري قیلگن و اولرنینگ جمعیتدهگی اشتراکیگه کېنگ کۉلملی تۉسقینلیکلر قۉیگن.
