پاکستاننینگ افغانستان بۉییچه مخصوص نمایندهسی محمد صادق، ایران تشقی ایشلر وزیرلیگینینگ جَنوبي آسیا بۉییچه مدیری محمدرضا بهرامی بیلن اوچرهشووده افغانستان توپراغیده فعالیت یوریتهیاتگن ترورچیلیک گروهلریدن کېلهیاتگن تهدید حقیده صحبتلشگنینی بیلدیردی.
او بوگون (چهارشنبه ۵ قوس) ایکس اجتماعي ترماغیده یازیشیچه، مذکور اوچرهشوو منطقهدهگی اۉزگریب بارهیاتگن وضعیت یوزهسیدن آچیق و توزهتوچن بحث اوچون امکان یرهتگن.
محمد صادقنینگ تأکیدلشیچه، «اوچرهشووده اساسي خواطرلر جملهدن، خوفسیزلیک معماسی و افغانستان توپراغیده فعالیت یوریتهیاتگن ترورچی گروهلردن کېلهیاتگن تهدیدلر بۉییچه فکر المشیلدی.»
پاکستاننینگ افغانستان بۉییچه مخصوص نمایندهسی، مملکتی ایران و باشقه منطقوي همکارلر بیلن ترورچیلرگه قرشی کورهشیش همده منطقهده تینچلیک و برقرارلیکنی مستحکملش یۉلیدهگی سعی-حرکتلرنی قۉللب-قوّتلشگه صادقدیر.
شو بیلن بیرگه، ایران عالي ملي خوفسیزلیک کېنگشی کاتبی علی لاریجانی هم پاکستانگه تشریف بویوریب، پاکستان اوردوسی قوماندانی عاصم منیر بیلن ترورچیلیککه قرشی همکارلیکنی محاکمه قیلگن.
تامانلر منطقهدهگی اۉزگرووچی خوفسیزلیک وضعیتی یوزهسیدن فکر المشگن.
پاکستان اوردوسی قوماندانی ایران بیلن ترورچیلرگه قرشی کورهشده ینه-ده یقین همکارلیک قیلیش ضرورلیگینی تأکیدلهگن.
