طالبلر سۉزلاوچیس ذبیحالله مجاهد، پاکستاننینگ پکتیکا، خوست و کنر ولایتلریگه قیلگن هوا هجوملرینی افغانستان هوا حدودینی آیاق آستی قیلیش و خلق ارا قبول قیلینگن برچه معیارلرگه قرشی دېب ایتدی.
او بوگون( سه شنبه ۴ قوس) بیلدیرگن اظهاراتیگه طالبان بو قاعده بوزرلیک و جنایتنی قطعیاً قارهلشینی و مناسب وقت کېلگنده ضرور جواب بېریشی ممکن دېگن.
پاکستان اوردوسی کېچه تونگی ساعتلرده خوست، پکتیکا و کنر ولایتلریدهگی مقصد قیلگن یېرلرنی بامباردمان قیلگن.
مجاهد آلدینگی بیاناتیده، خوستدهگی پاکستان هوا هجومیده بیر یشاوچی اویی نشانگه آلینگن و نتیجهده تۉقّیز نفر باله و بیر عیال هلاک بۉلگن دېگن اېدی. پکتیکا و کنرده اېسه تۉرت نفر شخص یرهلنگن.
طالبان مطبوعات سۉزلاوچیسی، «پاکستان حربيلرینینگ بو جنایتی نهفقط هېچ قندهی یوتوق کېلتیرمهیدی، بلکه ینه بیر بار کۉرستدی-کی، بو حرکت ناتۉغری معلوماتلرگه اساسلنگن بۉلیب، فقط وضعیتنی مرکّبلشتیرهدی و پاکستان حربي رژیمینینگ شأنی و موفقیتسیزلیگینی نمایان قیلهدی.» قیلهدی دېب تیلگه آلدی.
او شونینگدېک، طالبان ادارهسی «اۉز هوا و یېر حدودیدن فایدهلنیش همده خلقنی حمایه قیلیشنی اۉز شرعی حقوقی دېب بیلهدی» دېیه تأکیدلهگن مجاهد.
پاکستان رسميلری حاضرگچه بو هجوم تۉغریسیده معیین بیر نیرسه تیلگه آلمهگن.
بو طالبان و پاکستان اۉرتهسیدهگی مذاکرهلر موفقیتسیز توگهگندن کېینگی پاکستاننینگ افغانستان حدودیگه قیلگن اېنگ سۉنگّی هجومی حسابلنهدی.
پاکستان اوردوسی بیر نېچه بار افغانستان توپراغیگه، حتا کابلگه هم هجوم قیلگن و هجوملرنینگ اصلی آماجی پاکستان طالبانینینگ یاکه تیتیپی اعضالرینی نشانگه آلیش دېب معلوم قیلگن.
