پاکستان اوردوسی خیبر پختونخوا ایالیتینینگ بنوی اولسواللیگیده اۉتکزیلگن حربی عملیاتده۲۲ نفر پاکستان طالبانینینگ (تیتیپی) اعضاسی اۉلدیریلگندن خبر بېردی.
بوگون (سهشنبه۴ قوس) «فتنه چیقروچی خوارج» نینگ موجودلیگی حقیده خبر کېلگچ، پاکستان خوفسیزلیک کوچلری استخباراتی عملیات باشلهگنی ایتیلهدی.
پاکستان اوردوسی«اوشبو عملیات دوامیده کوچلریمیز خوارجنینگ جایلشگن حدودینی ثمرهلی نظارت قیلگن و کوچلی آتیشمه نتیجهسیده۲۲ نفر خوارج جهنمگه جۉنهتیلدی دېب ایتگن.»
پاکستان، پاکستان طالبانی یاکه تیتیپی اعضالرینی هند تامانیدن قۉللب-قوّتلنگن خوارجلر صفتیده تعریفلهیدی.
مذکور مملکتنینگ تأکیدلشیچه، تیتیپی اعضالری افغانستانده فعالیت یوریتهدی. پاکستان تیتیپی اعضالرینی باستیریش بهانهسیده بیر نېچه بار افغانستان توپراغیگه هجوم قیلگن. سۉنگّی هجوم اېسه کېچه تونگی ساعتلرده خوست ولایتی گربز اولسواللیگیده عملگه آشیریلگن بۉلیب، طالبان سۉزلاوچیسینینگ ایتیشیچه، بو هجومده تۉقّیز نفر باله و بیر عیال هلاک بۉلگن.
