ایشانچلی منبعگه کۉره، طالبان معارف وزیرلیگی ولایت معارف ریاستلریدهگی یوزلب بستنی قیسقرتیرگن.
منبعنینگ ایتیشیچه، هر بیر ولایتده ۲۶دن ۳۰ گچه اساسي بست خادملری ایشسیز قالدیریلگن.
شو بیلن بیرگه مملکت 34 ولایتی نینگ معارف ریاستلریده یوزلب بست قیسقرتیریلگن.
ییل باشیده طالبان رهبری فرمانی بیلن تخمیناً۹۰مینگ بست معارف وزیرلیگیدن آلیب تشلنگن اېدی. وزیرلیک نینگ بیلدیریشیچه، قیسقرتیریلگن بستلر نینگ اکثریتی بۉش اېدی. حاضرده افغانستاندهگی مکتبلر و تعلیم مرکزلری فقط اۉغیل بالهلرگه آچیق. طالبان آلتینچی صنفدن یوقاری قیزلر مکتبینی یاپگن.
شونینگدېک، طالبان باشقه دولت ادارهلریدهگی بست چېگرهلرینی هم قیسقرتیرگن و خادملرنینگ معاشینی کمهیتیرگن.
دولت ادارهلریدهگی خادملرنینگ اکثریتی اوّلگی حکومت دوریده ایشگه قبول قیلینگن. سۉنگّی تۉرت ییل ایچیده طالبان اۉز اعضالرینی باشقه لوازملرگه کۉچیرگن و بیتیرووچیلر اوچون ایش امکانیتلرینی چېکلهگن.
