اوکراین رسميلرینینگ معلوم قیلیشیچه، روسيهنینگ راکت و درانلر بیلن قیلگن هجومی نتیجهسیده مملکتنینگ غربي قِسمیدهگی «ترنوپیل» شهریده جایلشگن کۉپ قبتلی اوی نشانگه آلینگن. هجوم عاقبتیده کمیده۱۰ کیشی اۉلگن، ینه۴۰ کیشی یرهلنگن.
رویترز خبریگه کۉره، اوکراین ایچکی ایشلر وزیری یرهلنگنلر آرهسیده۱۲ کیشی باله بارلیگینی تصدیقلهگن.
معلوماتلرگه کۉره، هجومدن سۉنگ ترنوپیلدهگی تورر-جای بناسینینگ یوقاری قبتلری قولهب توشگن و بنادن آسمانگه قاره توتون کۉتریلگن.
اوکراین رسميلرینینگ ایتیشیچه، روسيه بیر کېچهنینگ اۉزیده۴۷۰ دران و۴۸ ته راکتنی اوکراین تامان یۉلهگن.
اوکراین جمهور رییسی ولودیمیر زلنسکی اوشبو هجومگه مناسبت بیلدیریب، روسيهگه نسبتاً باسیمنی ینه-ده کوچهیتیریشگه چقیردی.
او ایکس اجتماعي ترماغیده شوندهی یازگن، «عادي حیاتگه قرهتیلگن هر قندهی بېشفقت هجوم روسيهگه باسیم حلی یېترلی اېمسلیگینی کۉرسهتهدی. ثمرهلی چېکلاولر و اوکراینگه یاردم بو وضعیتنی اۉزگرتیریشی ممکن»
اوکراین رسميلرینینگ ایتیشیچه، روسيه مملکتنینگ یېتّی منطقهسیدهگی انرژی آستقورمهلرینی نشانگه آلگن، نتیجهدهترنوپیل
شهریده فوقالعاده روشده برق تأمیناتی اوزیلگن.
روسيهنینگ اوکراینگه هجوملری دوام اېتهیاتگن بیر پیتده، امریکا جمهور رییسی دونالد ترامپنینگ اوشبو اوروشنی توگهتیش بارهسیدهگی سعی-حرکتلری همان موفقیتسیز بۉلیب قالماقده.
او آق اوینینگ رهبریتیگه قَیتگنیدن سۉنگ، اوکراین اوروشینی تۉختهتیشنی وعده قیلگن اېدی، اما روسيه جمهور رییسی ولادیمیر پوتین بیلن اوچرهشوولر و بیر نېچه تیلفون ملاقاتلریگه قرهمهی، حاضرگه قدَر بو اوروشنی یکونلشگه موفق بۉلمهگن.
