کابلده فرخنده اسملی اۉن یېتّی یاشلی ینگی کېلین نینگ «سِرلی طرزده اۉلدیریلگنی» ادعا قیلینهیاتگن بیر پیتده، طالبان پولیسی اونینگ اۉلیمیگه مییه چلغیشی سبب بۉلگنینی اعلان قیلگن.
طالبان نینگ کابل امنیه قوماندانلیگی سۉزلاوچیسی خالد زدران، فرخنده نینگ عایلهسیگه تهیهنیب یازیشیچه، او ایکّی کون اوّل مییه چلغیشیگه چهلینگن.
زدراننینگ ایتیشیچه، پولیس دستلبکی تېرگاونی اۉتکزگن و شو پیتگچه هېچ قندهی شبههلی شخص انیقلنمهگن. اونینگ عایلهسی هم هېچ کیمدن شبههلنمهگنینی و هېچ قندهی شکایت قیلمهگنینی بیلدیرگن.
طالبان پولیس سۉزلاوچیسینینگ قۉشیمچه قیلیشیچه، بو ینگی کېلیننینگ اۉلیمی یوزهسیدن تېرگاو دوام اېتماقده. او تېرگاونینگ قندهی یۉسینده آلیب باریلهیاتگنی حقیده معلومات بېرمهگن.
اجتماعي ترماقلردهگی فایدهلنووچیلرنینگ یازیشیچه، اۉن یېتّی یاشلی فرخنده اصلیده تخار ولایتینینگ چایاب اولسواللیگیدن بۉلگن و تخمیناً قیرق بېش کون ایلگری تخار نینگ تأثیرلی شخصلریدن بیری «حاجی احسانالله، حاجی ملنگ تخاریگه تانیلگن» نینگ اۉغلیگه تورموشگه چیققن.
تصدیقلنمهگن خبرلرگه کۉره، فرخندهنینگ جسدی کابلدهگی گلبهار مرکزیدن تاپیلگن.
بوقیزنینگ اۉلیمی اجتماعي ترماقلرده کېنگ ناراضیلیک و مناظرهلرگه سبب بۉلگن.
