پاکستان تشقی ایشلر وزیرلیگینینگ سۉزلاوچیسی طاهرحسین اندرابي، اسلام آباد ایراننینگ اسلام آباد و کابل اۉرتهسیده واسطهچیلیک قیلیش تکلیفینی قۉللب-قوّتلشینی و اوندن «قاچمسلیگینی» معلوم قیلدی.
دان نیوز خبریگه کۉره، اندرابي، پاکستان هر دایم معمالرگه تینچ یۉل و دیپلوماتيک آرقهلی یېچیم تاپیشنی طرفداری بۉلگنینی تیلگه آلگن. او ایراننینگ واسطهچیلیک تکلیفینی قدرلشینی بیلدیردی.
اندرابي، اسلام آباد و افغانستان طالبانی اۉرتهسیده واسطهچیلیک اوچون منطقوي ییغیلیش تشکیل اېتیشگه اورینهیاتگنلیگی حقیدهگی خبرلرگه جوابن؛ «بیز ایران مهم رۉل اۉینشی ممکن، دېب حسابلهیمیز» دېدی.
اونینگ قۉشیمچه قیلیشیچه؛ پاکستان ایراننینگ هېچ قندهی واسطهچیلیک رۉلیدن قاچمهیدی، «چونکه افغانستاندن کېلهدیگن تروریزم بۉییچه دلیللر جوده کوچلی»
پاکستان طالباندن چېگره آرتی تروریزمینی آلدینی آلیشنی طلب قیلماقده؛ اما افغانستان طالبانی اسلام آبادنینگ افغانستان توپراغیدن پاکستانگه هجوملر اویوشتیریلگن دېگن دعواسینی رد اېتهدی.
عقرب آیینینگ اۉرتهلریده، تورکيه و قطر واسطهچیلیگی بیلن استانبولده اۉتکزیلگن اسلام آباد و کابل اۉرتهسیدهگی اوچینچی ملاقات هېچ قندهی کېلیشووگه اېریشمهی توگهدی.
اوشبو مذاکرهلر جاری آییده ایکّی تامان اۉرتهسیده بۉلگن چېگره تۉقنهشوولریدن کېین اۉتکزیلگن.
