ایران تشقی ایشلر وزیری عباس عراقچی، طالبان و پاکستان اۉرتهسیدهگی کېسکینلیک بۉییچه منطقوي ییغیلیش اۉتکزیلیشی احتمالی حقیده معلوم قیلدی.
ایسنا خبریگه کۉره، عراقچي بوگون (یکشنبه، ۲۵ عقرب) ژورنالیستلرگه، «سۉنگّی کونلرده پاکستان و افغانستان اۉرتهسیده برقرارلیک و آسایشتهلیک یرهتیش اوچون حرکت قیلیب کېلماقدهمیز.» دېدی.
اونینگ قۉشیمچه قیلیشیچه، «تیلفون آرقهلی ملاقاتلر آلیب باردیک و امید قیلهمیزکی، انیق نتیجهلرگه اېریشهمیز. انشاالله، بو بارهده بیر منطقوي ییغیلیش هم اۉتکزیلهدی.»
ایران تشقی ایشلر وزیری مذکور ییغیلیشنینگ تفصیلاتلری و انیق وقتینی آشکار قیلمهگن.
اۉتگن هفته عراقچي تیلفون آرقهلی طالبان و پاکستان تشقی ایشلر وزیرلری بیلن صحبتلشیب، ایکّی تامان اۉرتهسیدهگی کېسکینلیکنی دیپلوماتیک یۉل بیلن حل قیلیش ضرورلیگینی تأکیدلهدی.
شونینگدېک، او قطر، تورکيه و روسیه تشقی ایشلر وزیرلری بیلن هم طالبان–پاکستان ماجراسی بارهسیده تیلفونی صحبت اۉتکزدی.
ایران نینگ طالبان و پاکستان اۉرتهسیدهگی تنگلیکنی یومشهتیش بۉییچه سعی-حرکتلری قطر و تورکيه واسطهچیلیگیدهگی مذاکرهلر موفقیتسیز یکونلنگندن سۉنگ باشلنگن.
