بیرلشگن ملتلر تشکیلاتینینگ آزیق-طعام و اېکینچیلیک بۉییچه تشکیلاتی (فائو) و دنیا آزیق-آوقت لایحهسی ینگی «آچرچیلیک بۉییچه خوف نقطهلری» گزارشیده افغانستاننینگ دموکراتیک کنگو جمهوریتی، میانمار، نیجریه، سومالیا و سوریه بیر قطارده «جوده تشویشلی» آچرچیلیک درجهسیده اېکنینی بیلدیرگن.
گزارشگه کۉره، افغانستاننینگ شمالي و غربي حدودلریدهگی قورغاقچیلیک اېکینچیلیک محصولاتلری کمهییشیگه و یېم-خشَککه بۉلگن امکانیتنینگ قیسقریشیگه آلیب کېلگن، شرقي ولایتلردهگی زلزلهلر اېسه عایلهلرنینگ آزیق- آوقتگه اېریشیشینی ینه-ده ضعیفلشتیرگن.
شونینگدېک گزارشده، هایتی، مالی، فلسطین، جَنوبي سودان، سودان و یمن اهالیسی «فاجعهوي درجهدهگی یقینلشیب کېلهیاتگن آچرچیلیک خوفی» بیلن یوزلشهیاتگن دولتلر صفتیده تیلگه آلینگن.
گزارش گه بناءً، بورکینافاسو، چاد، کینا و بنگلهدېشدهگی روهینگیا قاچقینلری احوالی هم دنیانینگ «آزیق-آوقت خوفسیزلیگیدهگی خوف نقطهلری» سیرهسیگه کیرهدی.
(فائو) و دنیا آزیق-آوقت لایحهسی اوشبو۱۶مملکت ده کېسکین آزیق-طعام یېتیشماوچیلیگی کوچهییب بارماقده و میلیونلب آدم اېسه آچرچیلیک یاکه اونینگ خوفی یاقهسیگه کېلیب قالیشی ممکنلیگی حقیده آگاهلنتیرگن.
اولرنینگ ایتیشیچه، اوشبو۱۶مملکتنینگ ۱۴ته سیده ماجرالر و زۉروانلیک آچرچیلیکنینگ اساسي عاملی بۉلیب قالماقده.
تشکیلاتلر، اېنگ تشویشلی حدودلرده کېنگ مقیاسلی یاردم کۉرسهتیش اوچون وقت تېز اۉتیب بارماقده، چونکه ماجرالر، اقتصادي ضربهلر، کېسکین اقلیم حادثهلری و جدّي بودجه تنقیصلیگی وضعیتنی ینه-ده آغیرلشتیرماقده دیب تاکیدلهگن.
(فائو) و دنیا آزیق-آوقت دستورینینگ بیلدیریشیچه، شاشیلینچ روشده کتّه حجمدهگی انسانپرورلیک یاردمینی کۉرسهتیش ضرور بۉلیشیگه قرهمهی، مبلغ یېتیشماوچیلیگی جوده کوچلی.
حساباتگه کۉره، ۲۰۲۵-ییل اکتوبر آیینینگ آخریگه قدَر، خوف آستیدهگی اهالیگه یاردم کۉرسهتیش اوچون ضرور بۉلگن۲۹میلیارد دالردن اتیگی۱۰.۵میلیارد دالر تأمینلنگن خلاص.
گزارشده «بودجهنینگ جدّي یېتیشمسلیگی فوقالعاده جواب چارهلرینی تۉختهتیب قۉیگن و اولوشلرنینگ کېسکین کمهییشیگه، شونینگدېک، ضعیف گروهلرنینگ آزیق-آوقت گه اېریشیش امکانیتینینگ چېکلنیشیگه سبب بۉلگن؛ قاچقینلرگه آزیق-آقت یاردمی دېیرلی بوزیلیش عرفهسیده.» دېیه معلوم قیلهدی.
اولرنینگ قۉشیمچه قیلیشیچه، کۉپلب خوفلی منطقهلرده یاردمنینگ قمراوی کمهیگن و جهان آزیق-آوقت دستوری قاچقینلر و ایچکی کۉچیریلگنلرگه یاردم کۉرسهتیش مېزانلرینی قتّيقلشتیریشگه و یاردم حجمینی کمهیتیریشگه مجبور بۉلگن.
شو بیلن بیرگه، بعضی مملکتلرده مکتبلرده مهم آزیقلنتیریش دستورلری تۉختهتیلگن و بالهلر، قاچقینلر همده کۉچیریلگن عایلهلر جدّي خوف آستیده قالگنی گزارشده قید اېتیلگن.
(فائو)، بودجه یېتیشماوچیلیگی، شونینگدېک، آزیق-آوقت ایشلب چیقریشنی برقرارلشتیریش و تکرارلنووچی بحرانلرنینگ آلدینی آلیش اوچون ضرور بۉلگن اېکینچیلیک درآمدلرینی حمایه قیلیش بۉییچه سعی-حرکتلرنی کېسکین ضعیفلشتیرگن دېب آگاهلنتیرهدی.
جهان آزیق- آوقت دستوری اجرایه مدیری سندی مککین، «بیز تۉلیق آلدینی آلیش ممکن بۉلگن آچرچیلیک فاجعهسی عرفهسیدهمیز، اما کېنگ کۉلملی آچرچیلیک خوفی بیر نېچته مملکتنی تهدید قیلماقده» دېب تیلگه آلگن.
اونینگ قۉشیمچه قیلیشیچه «آنهلر بالهلری یېی آلسین دېییش اوچون اۉزلری طعامدن واز کېچماقده و عایلهلر یشش اوچون موجود برچه منبعلرنی صرفلهماقده. بیز درحال ینگی بودجه و هېچ قندهی تۉسقینلیکسیز اېریشیش امکانیگه محتاجمیز هر قندهی کېچیکیش برقرارلیکنی یۉقاتیش، کۉچیش و ماجرا خوفینی آشیرهدی.»
(فائو) و جهان آزیق-آوقت دستوری، آچرچیلیک آلدینی آلیش ممکن، اما فقط سیاسي اراده، یېتکچیلیک، یېترلی مالیهلشتیریش و عمومي مسوولیت بیلن عملگه آشیریلیشی ممکنلیگیگه تاکیدلهگن.
اولر شونینگدېک تأکیدلهگن، میلیونلب حیاتلر تېزکار و قطعي چارهلر کۉریلیشیگه باغلیق.
بیرلشگن ملتلر تشکیلاتینینگ اوشبو ایکّی تشکیلاتی حکومتلر، دونرلر و همکارلرنی آزیق-آوقت خوفسیزلیگینی باسقیچمه-باسقیچ بهالش تیزیمی و باشقه حساباتلردهگی آگاهلنتیریشلرگه اعتبار بېریشگه و وضعیت فاجعهلی درجهگه یېتیشیدن آلدین درحال چارهلر کۉریشگه چقیرهدی.
