اردن قیرالی ملک عبدالله بوگون (شنبه، ۲۴ عقرب) ایکّی کونلیک رسمی سفری بیلن پاکستان پایتختی اسلام آبادگه یېتیب کېلدی.
جیونیوز خبریگه کۉره، پاکستان جمهور رییسی آصف علی زرداری و باش وزیر شهباز شریف قیرالنی راولپندیدهگی «نورخان» قۉنالغهسیده کوتیب آلدی.
پاکستان جمهور رییسی آصف علی زرداری اوشبو سفر ایکّی مملکت اۉرتهسیدهگی مناسبتلرگه «ینگی استراتژیک» بخش اېتهدی، دېب امید بیلدیردی.
اونینگ قۉشیمچه قیلیشیچه، ایکّی تامانلهمه علاقهلر تاریخي دۉستلیک، اۉز ارا ایشانچ و عمومي قدریتلر اساسیده شکللنگن.
قیرال ملک عبدالله اسلام آبادگه یېتیب کېلگچ، مملکت باش وزیرلیگیگه باردی و او یېرده تشریفات تامانیدن کوتیب آلیندی.
اونینگ باش وزیر شهباز شریف بیلن اوچرهشیشی کوتیلهدی. شونینگدېک، ایکّی تامانلهمه هیاتلر اۉرتهسیده اوچرهشوولر هم بۉلیب اۉتهدی.
پاکستان اوشبو سفر دوامیده قیرال ملک عبدالله گه اۉزینینگ اېنگ یوقاری غیر نظامی مکافاتینی تاپشیریشی رېجهلشتیریلگن.
اردن قیرالی نینگ پاکستانگه سفری، تخمیناً بیر آی آلدین پاکستان قوراللی کوچلری باشلیغی عاصم منیرنینگ اردنگه سفری عملگه آشیریلگنیدن سۉنگ رۉی بېرماقده.
عاصم منیر اردنگه سفریده قیرال ملک عبدالله و مملکت حربي رهبرلری بیلن اوچرهشیب، حربي و مدافعه همکارلیگی حقیده مذاکرهلر آلیب بارگن.
