ایران یېتکرمهلرینینگ گزارش قیلیشیچه، تجاری ترددلری آسانلهشیشی مقصدیده ابریشیم- میلک کۉپریک صفری نطقهسیده یېر آستی ایکّینچی یول قوریلیش عملیاتی باشلنگن.
ایرنانینگ گزارش بیریشیچه، طالبلر صنعت و تجارت وزیری نورالدین عزیزی، «تجارت کېنگهیشی و صادرات همده واردات آسانلهشیشی اوچون» چېگرهنینگ صفری نطقهسیده ینگی بیر یۉل ایجاد بۉلیشی اوستیده کېلیشدیک دېگن.
اونینگ سۉزلریگه کۉره، بو چاره تدبیر هر ایکّی مملکت نینگ فایده سیگه دیر و تجارت حجمینینگ آشیشیگه سبب بۉلهدی.
طالبلر صنعت و تجارت وزیری، ینگی یۉل کۉپ ناوگان اۉتیب قیتیش قابلیتیگه اېگه اوشبو یۉلدن کونیده بیر مینگ موتر اۉتیش امکانی موجودلیگی ممکن دېب ایتگن.
اونینگ قۉشیمچه قیلیشیچه، « ملیک چېگرهسی ایکّی تامانلمه تجارت اوچون جوده فایدهلی و تاثیرلی چېگره بۉلیشیگه ایشانچیم کامل.»
ایران سیستان و بلوچستان والیسی منصور بیجار، مذکور یۉل کونیده بیر مینگ موتر اۉتیب قیتیش قابلیتیگه اېگه دیر و افغانستان ایران اۉرتهسیدهگی اقتصادی شرطنامهنینگ مهم بیر بۉلیمی حسابنلهدی. بیجار بو اقتصادی کېلیشوو چمهسی 10 میلیارد دالر ارزشگه اېگهلیگینی بیلدیرگن.
اونینگ میلک چېگرهسیدهگی ایکّینچی کۉپریک ایشی رواجلهنیشیگه اشاره قیلیب، مذکور کۉپریک نین قوریلیش ایشی ۳۰فایز ایلگری آلیب باریلگن، بونینگ تکمل بۉلیشی بیلن یېر آستی ایکّینچی یۉل اېسه اۉتیش –قیتیش ده کمک قیله دی.
طالبلر صناعت و تجارت وزیری بوگون بیر هیات باشچیلیگیده ایران نینگ سیستان و بلوچستان ولایتیگه باردی.
او ایران بلند مرتبهلی رسمیلری بیلن تجارتی و چېگرهی همکارلیک بارهسیده گپیرگن.
