طالبان نظارتیدهگی باختر اخبارات آژانسی بوگون (شنبه، ۲۴ عقرب) تاجیکستاننینگ یوقاری مرتبهلی بیر هیاتی کابلگه سفر قیلگنینی معلوم قیلدی.
اوشبو منبعگه کۉره، هیات ترکیبیده تاجیکستان تشقی ایشلر وزیرلیگی و خوفسیزلیک ادارهلری نینگ نمایندهلر بار.
باختر اۉز منبعلریگه تیهنیب، هیاتنینگ سفریدن مقصد تاجیکستان و طالبان اۉرتهسیدهگی سیاسي، اقتصادي و خوفسیزلیک علاقهلرینی کېنگهیتیریش دېگن.
خبرگه کۉره، تاجیکستان هیاتی طالبان رسمیلری بیلن همکارلیکلر، قۉشمه لایحهلر و منطقوي اۉزارا علاقهلر حقیده مذاکره قیلهدی.
باخترنینگ یازیشیچه، بو سفر تاجیکستان نینگ اوّلگی سیاسي یاندشوویده بیر اۉزگریش بۉلیب، رسمی دوشنبهده جایلشگن افغانستان اېلچیخانهسی نینگ فعالیتی حقیده هم صحبتلر بۉلیشی کوتیلماقده.
مرکزي آسیا دولتلری آرهسیده حاضرچه فقط تاجیکستان طالبان بیلن یقین علاقهلر اۉرنهتمهگن یگانه دولتدیر. دوشنبهدهگی افغانستان اېلچیخانهسی همان سابق حکومت نینگ اېلچیسی نظارتیده قالماقده.
شونینگدېک، تاجیکستان طالبان مخالفلریدن عبارت «افغانستان ملي قرشیلیک جبههسی» نینگ دفتریگه هم مېزبانلیک قیلهدی.
