طالبان کنترولی آستیده بۉلگن افغانستان قیزیل آی جمعیتی، چین قیزیل خاچی ۱۰۰مینگ دالر مقداریده مبلغ بلخ و سمنگاندهگی زلزله قربانلریگه یاردم کۉرستگنینی اعلان قیلدی.
اوشبو تشکیلات چهارشنبه، ۲۱ عقرب کونی ترقتگن بیاناتیده ایتیشیچه، بو یاردمنی کابلدهگی چین اېلچیسینینگ اۉرینباسری باو ژو هوی تاپشیرگن.
طالبلرنینگ قیزیل آی ادارهسی اۉرین باسری حافظ عزیزالرحمان چین نینگ بو یاردمینی قدرلهگن و یاردم حقیقتاً محتاج عایلهلرگه یېتکزیلهدی دېب تاکیدلهگن.
اۉتگن یکشنبه کونی شمالي ولایتلرنی۶.۳ریشترلی زلزله قتّیق تیترهتگن اېدی.
زلزلهنینگ مرکزی سمنگان ولایتی خلم اولسواللیگی بۉلگن و اېنگ کتّه ضررلر سمنگان و بلخ ولایتلریده قید اېتیلگن.
بیرلشگن ملتلر تشکیلاتینینگ انسانپرورلیک یاردملرنی موافقلشتیریش ادارهسیگه کۉره، اوشبو زلزله نتیجهسیده۲۵ کیشی هلاک بۉلگن و۹۸۴ کیشی جراحت آلگن.
