طالباننینگ اقتصادي مسألهلر بۉییچه باش وزیر اۉرینباسری عبدالغنی برادر بوگون (چهارشنبه، ۲۱ عقرب ) کابلده اۉتکزیلگن ییغیلیشده اوچ آیدن سۉنگ پاکستاندن دارو آلیب کېیلیش بوتونلهی منع اېتیلهدی دېب اعلان قیلدی.
برادرنینگ سۉزلریگه کۉره، پاکستاندن آلیب کیریلهیاتگن دارولر صفتسیز بۉلیب، بو افغانستان ساغلیقنی سقلش تیزیمینینگ اساسي معمالریدن بیری دیر.
او افغانستان مالیه وزیرلیگیگه اوچ آیدن کېین هېچ کیمگه پاکستاندن دارو آلیب کیریش رخصتینی بېرمسلیکنی بویوردی.
برادر داروخانه اېگهلری و دارو سوداگرلریگه مراجعت قیلیب، دارولرنی باشقه یۉللر آرقهلی آلیب کېلینیشینی و پاکستانده حسابلری یاکه شرطنامهلری بۉلسه، اولرنی اوچ آی ایچیده یاپیشنی توصیه قیلدی.
بو قرار طالبان و پاکستان اۉرتهسیدهگی کېسکینلیکلر آرتیب، چېگرهلر یاپیلگنیدن سۉنگ قبول قیلینگن.
برادرنینگ ایتیشیچه، پاکستان چېگره یۉللرینی یاپیش آرقهلی افغانستان سوداگرلریگه کتّه ضرر یېتکزگن، شونینگ اوچون سودا اوچون مقابل یۉللر تنلنیشی کېرهک.
حاضرده اَیریم چېگره یۉللر فقط پاکستاندن قَیتهیاتگن افغانستان مهاجرلرینی قبول قیلیش اوچون آچیق.
ننگرهار سرمایه یاتقیزیش و تجارت اتاغی باشلیغی گُلماراد عرب نینگ ایتیشیچه، فقط تورخم چېگره یۉلی یاپیلیشی سبب افغانستان سوداگرلری هر کونی قریب 2،5 میلیون امریکا دالری مقداریده ضرر کۉرماقده.
