بیرلشگن ملتلر تشکیلاتینینگ بالهلرنی حمایت قیلیش صندیغی (یونیسف) افغانستانده اقلیم اۉزگریشینینگ تأثیری «جیم فوقالعاده وضعیت» اېکنینی معلوم قیلدی. تشکیلات معلوماتیگه کۉره، قورغاقچیلیک خوفی یوقاری بۉلگن ولایتلرده سوو منبعلرینینگ یرمی قوریب قالگن، اهالی نینگ۱۰ کیشیسیدن۸ تهسی اېسه افلاس سوودن فایدهلنماقده.
یونیسف نمایندهسی تاجالدین اویوال، برازیلده اۉتهیاتگن بیرلشگن ملتلر تشکیلاتینینگ اقلیم اۉزگریشی بۉییچه ییغینی (کوپ-۳۰) باشلنگن پیتده اعلان قیلگن گزارشیده، افغانستان اقلیم بحرانیدن اېنگ کۉپ ضرر کۉرهیاتگن مملکتلردن بیری، اما بو بحرانده دېیرلی هېچ قندهی اولوشی یۉق دېگن.
اونینگ سۉزلریگه کۉره، اقلیم و سوو بحرانینینگ افغانستانلیک عایلهلرگه تأثیری کۉپ حاللرده کۉزگه تشلنمهیدی.
اویوال، «اقلیم اۉزگریشینینگ مملکتگه تأثیری اصلیده جیم فوقالعاده حالتدیر؛ اساسي قورغاقچیلیککه مایل ولایتلرده سوو منبعلرینینگ یرمی قوریب کېتگن.» دېب قۉشیمچه قیلدی.
اونینگ ایتیشیچه۱۰ کیشیدن۸ تهسی افلاس سوو ایچماقده، شهر حدودلریدهگی ساغلیقنی سقلش تیزیملری اېسه طبيعي آفتلر و اطراف محیط بوزیلیشلر باسیمی آستیده قولش عرفهسیده، بو اېسه سوو آرقهلی یوقهدیگن کسللیکلرنینگ کېسکین کۉپهییشیگه آلیب کېلماقده.
شونگه قرهمهی، یونیسف نمایندهسینینگ سۉزلریگه کۉره، افغانستان هنوز دنیادهگی انسانپرورلیک بحرانلریگه اېنگ کم مبلغ اجرهتیلگن دولتلردن بیری بۉلیب قالماقده. مملکت اقلیم اۉزگریشیگه چیدملی خوفسیز سوو و کانالیزاسیون تیزیملریگه احتیاج اوچون ضرور بۉلگن بودجهنینگ اتیگی ۵ فایزینی آلگن خلاص.
یونیسف، مبلغ چېکلنگنیگه قرهمهی، اولر همکارلری بیلن بیرگه تون-کون ایشلهماقده و کۉپ سانلی فوقالعاده وضعیتلرگه دوچ کېلگن عایلهلر همده بالهلرگه یاردم کۉرستیگه اولگوره یاتگنلرینی کۉپهیتیردی.
تشکیلات نمایندهسی برازیلده ییغیلگن جهان یېتکچیلریگه مراجعت قیلیب، «مذاکره سالونیده یۉق مملکتلرنی و بۉش ایدیشلر بیلن سوو ایزلب یورگن بالهلرنی یادده توتینگلر»، دېیه چقیریق بېردی.
بیرلشگن ملتلر تشکیلاتینینگ اقلیم اۉزگریشی بۉییچه ییغینی دوشنبه کونی رسمي روشده برازیلنینگ بلم شهریده باشلندی.
بو ییغیلیشده افغانستان نمایندهسی یۉق، طالبان اېسه بو ییغیلیشگه چقیریلمهگنینی معلوم قیلگن.
