تورکيه جمهور رییسی رجب طیب اردوغان، شو هفته تورکيهنینگ تشقی ایشلر، مدافعه وزیرلری همده استخبارات باشلیغی اسلام آبادگه سفر قیلهدی دېب معلوم قیلدی. اولر پاکستان رسميلری بیلن پاکستان و افغانستان طالبانی اۉرتهسیدهگی آتیش کېسین و تینچلیک مذاکرهلری اوستیده بحث یوریتهدیلر.
رویترز خبر آژانسیگه کۉره، اردوغان بو گپلرنی آذربایجان پایتختی باکو شهریدن قَیتیش چاغیده، پاکستان باش وزیری شهباز شریف بیلن اوچرهشوودن سۉنگ تیلگه آلگن.
بو هیاتنینگ سفریدن مقصد پاکستان و طالبان اۉرتهسیده امکان قدَر تېزراق دایمي آتیش کېسن و تینچلیکنی اۉرنهتیش دیر دېب ایتگن جمهور رییس اردوغان.
اردوغان شبهاز شریف بیلن اوچرهشووده هم پاکستان و طالبان اۉرتهسیدهگی معمانی یقیندن کوزهتهیاتگنینی بیلدیرگن و آتیش کېسیننی سقلب قالیشگه چقیرگن اېدی.
تورکيه هیاتسینینگ اسلام آبادگه سفری پیتیده، طالبان و پاکستان اۉرتهسیدهگی اوچینچی باسقیچ مذاکرهلر استانبولده جمعه کونی هېچ قندهی نتیجهسیز یکونلندی.
بو مذاکرهلر تورکيه و قطر واسطهچیلیگیده باشلنگن اېدی، بیراق اوچ باسقیچدن سۉنگ یکوني کېلیشووگه اېریشیلمهی تۉختب قالگن.
