تورکيه جمهور رییسی رجب طیب اردوغان پاکستان باش وزیری شهباز شریف بیلن اوچرهشووده پاکستان و افغانستان طالبان اۉرتهسیدهگی اۉت آچیشنی تۉختهتیش حالتینی سقلب قالیشگه چقیردی.
تورکيه حکومتی علاقه ادارهسینینگ معلوم قیلیشیچه، اوشبو اوچرهشوو تیناوون (شنبه، ۱۷ عقرب) آذربایجان پایتختی باکو شهریده بۉلیب اۉتگن.
اردوغان اۉز سۉزیده پاکستاندهگی ترورچیلیک هجوملری و بو مملکت بیلن افغانستاندهگی طالبان اۉرتهسیدهگی تنگلیکنی یقیندن کوزهتهیاتگنینی تیلگه آلگن.
شونینگدېک او، تورکيه پاکستان و طالبان اۉرتهسیدهگی مذاکرهلرده اشتراک اېتیشده دوام اېتیشینی ینه بیر بار تأکیدلهگن.
بو آرهده، تورکيه و قطر واسطهچیلیگیده اۉتگن طالبان و پاکستان اۉرتهسیدهگی اوچینچی باسقیچ مذاکرهلر جمعه کونی هېچ قندهی نتیجهسیز یکونلندی.
اوچرهشوو یکونیده پاکستان مدافعه وزیری خواجه محمد آصف، مذاکرهلر باشی بېرک کۉچهگه کیریب قالدی و تۉرتینچی باسقیچنی اۉتکزیش رېجهلشتیریلمهگن دېب ایتگن اېدی.
طالبان سۉزلاوچیسی ذبیحالله مجاهد اېسه اۉز اظهاراتیده، پاکستان هیاتینینگ مسوولیتسیز مناسبتی طفیلی مذاکرهلر نتیجهسیز یکونلندی.
