پاکستان تشقی ایشلر وزیرلیگینینگ سۉزلاوچیسی طاهر اندرابی تههیر اندرهبی، (جمعه ۱۶ عقرب) پاکستان هیاتی استانبولده طالبان بیلن اۉتکزیلگن اوچینچی مذاکره باسقیچیده «دلیللرگه اساسلنگن، اساسلی و منطقي طلبلرینی» چېگرهدن اۉتووچی تروریزمگه برهم بېریش مقصدیده واسطهچیلرگه تقدیم اېتیلگنینی معلوم قیلدی.
جیو نیوز خبریگه کۉره، اندرابی مطبوعات انجمنیده «واسطهچیلر پاکستان هیاتسی تامانیدن تقدیم اېتیلگن دلیللر، شونینگدېک خلق ارا قانون و تمایللر اساسیده پاکستاننینگ موضعنی تۉلیق تصدیقلهدی» دېب تیلگه آلدی.
اونینگ ایتیشیچه، واسطهچیلر پاکستاننینگ طلبلرینی طالبان هیاتی بیلن باسقیچمه-باسقیچ محاکمه قیلماقده.
اندرابی، «اجتماعي ترماقلرده، اینیقسه افغانستان فایدهلنووچیلری تامانیدن ترقهتیلهیاتگن هر قندهی باشقه تخمینلر فقط میش-میش یاکه اتهیلب ناتۉغری معلومات ترقهتیش دېیه» تاکیدلهدی.
پاکستان و طالبان اۉرتهسیدهگی اوچینچی باسقیچ مذاکرهلر قطر و تورکيه واسطهچیلیگیده تیناوون استانبلده باشلنگن.
تامانلر اۉرتهسیدهگی اساسي کېلیشماوچیلیکلردن بیری، پاکستاننینگ «تحریک طالبان پاکستان» (تیتیپی) جنگریلری افغانستان توپراغیدن فایدهلنهیاتگنی حقیدهگی دعواسی حسابلنهدی.
پاکستان رسميلری، تیتیپی رهبرلری و اعضالری افغانستانده جایلشگن، او یېردن پاکستانگه قرشی هجوملرنی رېجهلشتیرهدی و عملگه آشیرهدی دېب علیحده تاکیدلهدیلر.
شو سببلی، پاکستان هیاتی مذاکرهلرده طالبان تامانیدن افغانستان توپراغینینگ پاکستانگه قرشی فایدهلنیلمسلیگیگه کفالت بېریلیشینی طلب قیلگن.
اما طالبان نمایندهلری، اۉز نوبتیده، تیتیپی نامیدن گپیره آلمهسلیکلرینی و بو مسألهنی پاکستاننینگ ایچکی معماسی دېب بیلیشلرینی ایتیشگن.
معلومکی، بو مذاکرهلر بیر هفتهلیک قانلی تۉقنهشوودن سۉنگ قطر و تورکيه واسطهچیلیگیده باشلنگن اېدی.
بیرینچی باسقیچ دوحهده اۉتگن بۉلیب، اونده تامانلر درحال اۉت آچیشنی تۉختهتیش و مذاکرهلرنی دوام اېتتیریشگه کېلیشیب آلگن.
اما ایکّینچی باسقیچ، استانبولده اۉتگن بۉلسه-ده، تخمیناً بیر هفته دوام اېتیب، هېچ قندهی نتیجهسیز یکونلنگن.
