امریکا جمهور رییسی دونالد ترامپ قازاقستان، قیرغیزستان، اۉزبېکستان، تاجیکستان و تورکمنستان دولت رهبرلری بیلن آق اویده اوچرهشوو اۉتکزدی.
رویترز خبریگه کۉره، تیناون (پنجشنبه ۱۵ عقرب)ده بۉلیب اۉتگن اوچرهشوونینگ مقصدی اینیقسه معدنی مینراللر ساحهسیده همکارلیکنی مستحکملش آرقهلی مناسبتلرنی رواجلنتیریش بۉلگن.
دونالد ترامپ اوشبو بېش دولت رهبرلری بیلن اوچرهشوودن آلدین، «بیزنینگ اساسي کون ترتیبیمیزدهگی مسألهلردن بیری حیاتی مینیراللردیر.»
او مرکزي آسیانی «جوده بای منطقه» دېب اتهدی و امریکانینگ اوشبو بېش دولت بیلن مناسبتلرینی مستحکملشنی خواهلشینی بیلدیردی.
قازاقستان جمهور رییسی قاسم جومارت توقایف ترامپ بیلن اوچرهشوونی «امریکا و مرکزي آسیا اۉرتهسیدهگی ینگی دورنینگ باشلنیشی» دېب اتهدی.
اۉزبېکستان جمهور رییسی شوکت میرضیایف اېسه ترامپنی «دنیا جمهور رییسی» دېب تعریفلهدی و مرکزي آسیاده امریکانینگ دایمي کاتبیتینی تشکیل اېتیش تکلیفینی بېردی.
امریکا کمیاب مینراللر مسألهسیده چین بیلن یوزهگه کېلگن ترنگلیکدن سۉنگ، مرکزي آسیا دولتلری بیلن مناسبتلرینی کوچهیتیریشگه اورینماقده.
اوشبو دولتلر مینراللرگه بای بۉلیب، اوزاق وقت روسيه حکمرانلیگی آستیده بۉلگن و حاضرده چین همده امریکانینگ دقّت مرکزیده توریبدی.
