طالبان معلوماتلریگه کۉره تیناوون (دوشنبه ۱۲ عقرب) پاکستان و ایران تورلی منطقهلریدن اوشلنگن ایکّی مینگ۹۶۳ افغانستانلیک مهاجر عایلهسی افغانستانگه قَیتگن. باختر خبر آژانسینینگ خبریگه کۉره، بیر مینگ تۉرت عایله سپین بولدک چېگرهسی آرقهلی،بیر مینگ۷۰۰عایله تورخم چېگرهسی آرقهلی، ۱۵۵ عایله اېسه بهرامچه یۉنهلیشی آرقهلی پاکستاندن مملکتگه کیرگن.
شونینگدېک،۳۳عایله ایران بیلن چېگرهدهگی پل ابریشم، و ۷۷ عایله اېسه اسلام قلعه اۉتیش جایی آرقهلی افغانستانگه قَیتگن.
پاکستاندن افغانستانلیک مهاجرلرنی مجبوری چیقریش جریانی پاکستان حکومتی بیلن طالبان اۉرتهسیدهگی کېسکینلیک کوچهیگنیدن کېین ینه-ده تېزلشگن. بو جریان ایکّی ییل اوّل باشلنگن اېدی.
ایران هم جاري قویاش ییلینینگ باشلریده افغانستانلیک مهاجرلرنی چیقریش جریانینی باشلهگن.
بیرلشگن ملتلر تشکیلاتی معلوماتلریگه کۉره، فقط جاري ییلده پاکستان و ایران حدودلریدن ۲.۳ میلیوندن آرتیق افغان مهاجر افغانستانگه قَیتگن.
