پاکستان اردوسی سۉزلاوچیسی احمدشریف چودری، اگر طالبان بیلن مذاکرهلر موفقیتسیز توگهسه، پاکستان اۉزینینگ معماسینی اۉزی حل قیلیشینی ایتگن. او طالبان افغانستان بیلن مسألهلرنی تینچ یۉل بیلن مذاکرهلر آرقهلی حل قیلگنلری معقول اېکنینی آگاهلنتیرگن.
اکسپرس تربیون نشریگه کۉره، چودری بو گپلرنی دوشنبه کونی در راولپندی شهریده ارشد ژورنالیستلر بیلن بۉلگن ملاقاتیده ایتگن.
او پاکستان تینچلیکنی خواهلهیاتگنینی و افغانستان طالبانی بیلن مسألهلرنی مذاکره آرقهلی حل قیلیشنی مقصد قیلگنینی بیلدیرگن. او، «بیز تینچلیک و مذاکرهنی خواهلهیمیز. لېکن اگر مذاکرهلر موفقیتسیز توگهسه، معمانی اۉزیمیز حل قیلهمیز. سۉنگّی کونلرده بیز بونی قیله آلیشیمیزنی کۉرسهتدیک» دېب قۉشیمچه قیلدی.
کېلهسی هفته، پنجشنبه، ۱۵ عقرب کونی استانبولده طالبان و پاکستان اۉرتهسیده مذاکرهلرنینگ ینگی باسقیچی اۉتکزیلیشی رېجهلشتیریلگن. اوّلگی ایکّی باسقیچ هم نتیجه بېرمهگن.
چودری شونینگدېک، پاکستان فقط بیر نېچته اوچینچی تامانلرنینگ سۉراوی بیلن واسطهچیلیک اورینیشلریگه راضی بۉلگن دېدی. او، «طالبان افغانستان مسألهلرنی تینچ مذاکرهلر آرقهلی حل قیلسه یخشی بۉلهدی. عکس حالده، بو وضعیتگه قرشی کورهشیش اوچون باشقه یۉللریمیز هم بار» دېب آگاهلنتیرگن.
چودری دوحهدهگی مذاکرهلرگه اشاره قیلیب، طالبان باشیده پاکستان نقطهی نظریگه راضی بۉلگن، بیراق کېین آرقهگه چېکینگنینی ایتگن. او آشکار قیلگن: «دوحهده اولر لایحهگه راضیلیک بیلدیرگن، اما کېین اونی امضالهی آلمهیمیز دېب ایتگنلر و اوّل تیلفون آرقهلی باغلنیش کېرهکلیگینی ایتیشگن».
چودری طالباننینگ دوحهدهگی مذاکره دوامیده مجبوريتلریگه بۉلگن بېپروالیگینی حقیقي تینچلیکنی خواهلشدهگی بېقرارلیک و جدّي اېمسلیک بېلگیسی دېب اتهگن.
شونینگدیک چودرینینگ ایتیشیچه، دوحهده و استانبولدهگی مذاکرهلر عمومي کون ترتیبیگه افغانستاندن کېلیب چیقهیاتگن چېگرهلر ارا تروریزمنی توگهتیشگه اساسلنگن.
او اساسي معما طالبان تامانیدن دوحهدهگی کېلیشووگه رعایه اېتیلمهیاتگنیده اېکنلیگینی قۉشیمچه قیلگن. او، «دوحهده طالبان امریکا بیلن افغانستانده نماینده اساسیده حکومت توزیش اوچون لویه جیرگه اۉتکزیش بۉییچه کېلیشووگه اېریشگن اېدی. طالبان بو وعدهگه عمل قیلگنی یۉق» دېدی.
اوردو نینگ مطبوعات کاتبی معمانی افغانستانده نمایندهلر اساسیدهگی حکومتنی یرهتیشده یېچیم کۉرگنینی ایتگن. او شونینگدېک، پاکستان طالبان رهبرلیگی نینگ دوحهدهگی کېلیشوونی بوزگنیگه نسبتاً ناراضیلیگینی بیلدیرگن.
«مذاکره اۉتکزیشنی خواهلاوچیلر افغانستانگه باریشی کېرهک»
اوردونینگ مطبوعات سۉزلاوچیسی اگیر خیبر پختونخواه (K-P) حکومتی ترورچیلر بیلن مذاکره قیلیش حقیده گپیرسه، بو نینگ عملگه آشمهیدیگنینی، فقط چلکشلیککه آلیب کېلیشینی ایتگن. او شوندهی دېگن: «طالبان بیزنینگ خوفسیزلیک خادملریمیزنینگ باشی کېسیلگن حالده فوتبال اۉینهیدی. بوندهی آدملر بیلن قندهی مذاکره قیلیش کېرهک؟»
چودری روحانيلر، عامهوي اخبارات واسطهلری و سیاسي رهبرلر آرهسیده بیرلیک مهملیگینی قۉشیمچه قیلگن. اونگه کۉره: «دیني عالِملریمیز، عامهوي اخبارات واسطهلریمیز و سیاستچیلریمیز بیر آوازده گپیریشلری کېرهک، فقط شونده تۉغری قرارلر قبول قیلینهدی»
او پاکستانده افغانستانگه همدردلیک بیلدیرهیاتگنلرنی تنقید قیلیب، اولردن سۉرهگن: حقیقتاً هم افغان تامانی نیمه خواهلشینی اۉزلریگه سۉرهشلری لازم. او شوندهی دېگن: «افغانستاننی یخشی کۉرهدیگنلر اۉزلریدن سۉرهشسین، بو آدملر اصلیده نیمه خواهلشهدی؟»
او پاکستان خلقی اوچون خوف سالهیاتگن عناصر بیلن مذاکره اۉتکزیشنی رد اېتگن. او: «آدملریمیزنی اۉلدیرهیاتگنلر بیلن مذاکره قیلیشیمیز کېرهکمی؟» او مذاکرهلرنی قۉللب-قوّتلاوچیلر اوچون افغانستانگه باریش یخشیراق بۉلهدی، دېب تکلیف قیلگن. او قۉشیمچه قیلگن: «اولر اوچون افغانستانگه باریش یخشیراق او یېر اولرگه ماسراق بۉلهدی»
«طالبانلر هېچ قچان بیز نینگ عزیزیمیز بۉلمهگن»
اوردودهگی مطبوعات کاتبی ینگی بیاناتیده پاکستان 2018 ییلگچه تروریزمنی جلولهگنینی، بیراق کېینچهلیک اَیریم دایرهلر طالبان دفتری قَیته آچیشنی قۉللب-قوّتلهگنینی، بو خطانی الداولی قرار دېب اتهگن.
چودری ژورنالیستلر بیلن گپلشهیاتگنده سۉرهگن: «کیم طالبان اوچون اداره آچیشنی تکلیف قیلگنینی اېسلهمهیسیزمی؟» دېب سۉرهگن. او، «بیز هېچ قچان کیمنیدیر عزیز دېب بیلمهگنمیز؛ افغان طالبانلری هېچ قچان بیز نینگ عزیزلریمیز بۉلمهگن» دېب تاکیدلهگن.
امریکا حربي پهپاد عملیاتی پاکستان حدودیدن آلیب باریلگنی حقیدهگی ادعالر اساسسیز
اوردو نینگ مطبوعات بیلن علاقهلر بۉییچه ماموری پاکستان و امریکا اۉرتهسیده افغانستانده پهپادی عملیاتلر بۉییچه بیرار کېلیشوو موجودلیگی حقیدهگی خبرلرنی رد اېتیب، اولرنی «بوتونلهی اساسسیز» دېب اتهگن.
اونینگ قۉشیمچه قیلیشیچه «پاکستان امریکا بیلن هېچ قندهی کېلیشووگه اېگه اېمس و طالبان رژیمیدن درانلر بۉییچه رسمي شکایت آلینمهگن»
او ایضاحلهگنیچه، اخبارات وزیرلیگی بو مسألهنی بیر نېچه مرته انیقلیک کیریتگن. اوردو نینگ مطبوعات کاتبی تأکیدلهگن: «پاکستاندن افغانستانگه پهپادلر آرقهلی عملیات اۉتکزیلیشیگه عاید هېچ قندهی ترتیب موجود اېمس»
چودری طالبان رژیمیی ترورچیلرنی قولهیلشتیرهیاتگنینی ایتیب، استانبولدهگی مذاکرهلر دوامیده پاکستان طالبان بیلن بو مسألهنی محاکمه قیلگنینی و اولرنینگ ترورنی نظارت قیلیش و بونی قندهی عملگه آشیریش بۉییچه مسوولیت طالبان ذمّهسیده اېکنلیگینی انیق کۉرسهتگنینی ایتگن.
او: «بو آدملر بیزنینگ اېدیلر. بیز اولرنینگ اوستیگه عملیات باشلهگنیمیزده، اولر افغانستانگه قاچیب اۉتیشدی. اولرنی بیزگه تاپشیرینگ، بیز اېسه اساسی قانونلرگه موافق اولر بیلن معامله قیلهمیز،» دېب قۉشیمچه قیلگن.
