منبعلرنینگ اطلاعات روزگه معلوم قیلیب ایتیشیچه، تاجیکستاننینگ سغد ولایتیدهگی کۉمیر کانیده یوز بېرگن پارتلش عاقبتیده آلتی نفر افغانستانلیک ایشچی هلاک بۉلگن.
منبعلرگه کۉره، بو ایشچیلردن بېش نفری دایکوندی ولایتیدن، بیری اېسه غور ولایتی نینگ لعل و سرجنگل تومنیدن بۉلگن.
منبعنینگ توشونتیریشیچه، پارتلش کېچه توشدن کېین سغد ولایتینینگ عینِی تومنیدهگی کۉمیر کانیده یوز بېرگن.
منبعنینگ ایتیشیچه، پارتلش صادر بۉلگن تونلده آلتی نفر ایشچی ایشلهیاتگن بۉلگن.
بو آلتی ایشچینینگ برچهسی هلاک بۉلگن و اولرنینگ جسدلری حاضرچه تونل ایچیدن چیقریلمهگن دېدی اطلاعات روزگه معلومات بېرگن منبع.
حاضرچه هلاک بۉلگن ایشچیلرنینگ انیق شخصی معلوم اېمس.
جاري ییل نینگ می آییده هم خودّی شو سغد ولایتیدهگی کۉمیر کانیده پارتلش صادر بۉلیب، سکّیز نفر ایشچی، اولر نینگ برچهسی دایکوندی ولایتیدن هلاک بۉلگندی.
منبعلرنینگ ایتیشیچه، یوزلب افغان وطنداشی اوشبو کانلرده ایشلهیدی.
بیر ایشچی نینگ سۉزلریگه کۉره، اولرگه شکایت قیلیش یاکه واقعهلرنی یېتکرمهلرگه یېتکزیش حقوقی بېریلمهگن؛ اگر شکایت قیلیشسه، جریمهگه تارتیلیب، تاجیکستاندن چیقریب یوباریلهدیلر.
افغانستانده ایشسیزلیک یوقاری بۉلگنی سببلی، مملکت یشاوچیلری، اینیقسه یاشلر، قۉشنی دولتلرگه ایش مقصدیده کۉچیب اۉتیشهدی و عادتده آغیر ایشلر، جملهدن کان ایشلریده ایشلشهدی.
